شىعىس قازاقستان وبلىسى التاي اۋدانىنىڭ اۋدانارالىق اۋرۋحاناسى جەرگىلىكتى كاسىپكەرلەردەن تاۋارلار مەن قىزمەتتەر العانىمەن، ولاردىڭ اقىسىن تولەمەگەن. وبلىس پروكۋراتۋراسى بۇل جاعدايعا ارالاسۋعا ءماجبۇر بولدى، دەپ حابارلايدى infohub.kz سايتى.
تەكسەرۋ بارىسىندا پروكۋرورلار «التاي اۋدانىنىڭ اۋدانارالىق اۋرۋحاناسى» شجق مكك مەملەكەتتىك ساتىپ الۋ زاڭناماسىن بۇزعانىن انىقتادى. «مەديسينالىق مەكەمە جەتكىزۋشىلەرگە بۇرىن بەرىلگەن تاۋارلار، ورىندالعان جۇمىستار مەن كورسەتىلگەن قىزمەتتەر ءۇشىن مەرزىمى وتكەن بەرەشەكتىڭ پايدا بولۋىنا جول بەرگەن»، – دەلىنگەن حابارلامادا.
پروكۋراتۋرانىڭ قاداعالاۋ اكتىسىنەن كەيىن عانا مەديسينالىق مەكەمە 37 جەتكىزۋشىگە مەرزىمى وتكەن شوتتاردى تولىق جاپتى. تولەمدەردىڭ جالپى سوماسى 106،47 ملن تەڭگەنى قۇرادى. مەملەكەتتىك اۋرۋحانانىڭ بۇل قارىزدى قانشا ۋاقىت ىشىندە جيناعانى تۋرالى حابارلانبادى. قاداعالاۋ ورگانى پروكۋروردىڭ قابىلداعان شارالارى مەملەكەتتىك كاسىپورىننىڭ بيزنەس الدىنداعى مىندەتتەمەلەرىن ورىنداۋىن قامتاماسىز ەتۋگە مۇمكىندىك بەرگەنىن اتاپ ءوتتى.
بۇعان دەيىن infohub.kz دەنساۋلىق ساقتاۋ مينيسترلىگىنىڭ بيۋدجەت جانە ءمامس ەسەبىنەن مەديسينالىق جابدىقتاردى ساتىپ الۋدىڭ جاڭا قاعيدالارىن ازىرلەگەنى تۋرالى حابارلاعان بولاتىن. باستى جاڭالىق – اۋرۋحانالارعا تەحنيكانى ءوندىرۋشى زاۋىتتاردان تىكەلەي ليزينگكە ساتىپ الۋعا رۇقسات بەرىلەدى. سونداي-اق، بۇيرىق جوباسىنا سايكەس، ەلدە ساراپتامالىق باعالاۋعا جاتاتىن مەديسينالىق بۇيىمداردىڭ قۇن شەگى تومەندەتىلەدى: 20 ملن تەڭگەدەن 10 ملن تەڭگەگە دەيىن، ال ليزينگپەن ساتىپ العاندا – 5 ملن تەڭگەدەن باستاپ.
ودان بۇرىن دەنساۋلىق ساقتاۋ مينيسترلىگى دارى-دارمەكتەر مەن مەديسينالىق بۇيىمداردىڭ ساراپتاماسىنا جاۋاپتى مەديسينالىق زەرتحانالاردى اككرەديتتەۋ قاعيدالارىنا وزگەرىستەر دايىنداعانى بەلگىلى بولدى. ەندى اتتەستاتتى ەلەكتروندىق ۇكىمەت پورتالى ارقىلى سيفرلىق فورماتتا نەبارى ەكى كۇندە رەسىمدەيتىن بولادى.