شىعىس قازاقستان وبلىسى گلۋبوكوە اۋدانى بەلوۋسوۆكا اۋىلىندا وتباسىلىق جۇپقا شابۋىل جاسالدى. 60 جاستاعى ايەل قازا تاپتى، ال ونىڭ 62 جاستاعى كۇيەۋى جاراقات الىپ اۋرۋحاناعا جات قىزىلدى. بۇل تۋرالى infohub.kz حابارلايدى.
قايعىلى وقيعا كەشە تاڭەرتەڭ ەرتە بولعان. الدىن الا مالىمەت بويىنشا، بىرنەشە قاراقشىلار ۇيگە باسىپ كىرىپ، ءۇي يەلەرىن ۇرىپ-سوققان. ولاردىڭ قارت جۇبايلاردى توناماق بولعانى ايتىلادى.
بۇل وقيعا جەرگىلىكتى تۇرعىنداردى ءدۇر سىلكىندىردى. كەيبىر تۇرعىندار بەلوۋسوۆكادا ۇرلىق جيىلەپ كەتكەنىن ايتادى. «وتە جاقسى ايەل ەدى، مەن ونىمەن تانىس ەدىم. بەلوۋسوۆكامىز قىلمىستى اۋىلعا اينالدى، ءبىزدى نەشە رەت تونادى، ءتىپتى جەكە ءۇيىمىزدى ساتۋعا ءماجبۇر بولدىق. مەن شوكپىن. وتباسىنا قاتتى ايايمىن. كۇيەۋى دە ايانىشتى، ءوزى دە ايانىشتى»، — دەيدى وبلىس تۇرعىنى لاريسا گيلس.
شىعىس قازاقستان وبلىسى پوليسيا دەپارتامەنتى شابۋىلداۋشىلاردى ىزدەۋگە بارلىق جەكە قۇرام جۇمىلدىرىلعانىن حابارلادى. اۋىر قىلمىس فاكتىسى بويىنشا قىلمىستىق ءىس قوزعالدى. «جەدەل-ىزدەستىرۋ شارالارى بارىسىندا سيفرلىق قۇرالداردى قولدانۋ جانە ازاماتتاردىڭ كومەگىمەن پوليسيا قىزمەتكەرلەرى كۇدىكتىلەردى انىقتادى. ولار وڭىردەن تىس جەرگە قاشىپ كەتپەك بولعان كەزدە ۇستالىپ، كەيىن ۋاقىتشا ۇستاۋ يزولياتورىنا جەتكىزىلدى»، — دەدى شقو پوليسيا دەپارتامەنتىنىڭ باستىعى ەرلان وماربەكوۆ.
قازىرگى ۋاقىتتا قاجەتتى تەرگەۋ امالدارى جۇرگىزىلۋدە. تەرگەۋ بارىسى ەرەكشە باقىلاۋدا. باسقا اقپارات جاريا ەتىلمەيدى.
زارداپ شەككەن ەر ادام وسكەمەن قالاسىنداعى №1 قالالىق اۋرۋحانادا جاتىر. شقو دەنساۋلىق ساقتاۋ باسقارماسىنىڭ ءباسپاسوز قىزمەتىنىڭ مالىمەتىنشە، ودان باس جاراقاتى، گەماتومالار، سىزاتتار مەن جىرتىلعان جارالار انىقتالعان. جاعدايى ورتاشا اۋىرلىق دارەجەسىندە دەپ باعالانۋدا، ومىرىنە ءقاۋىپ جوق.