شىعىس قازاقستان وبلىسىندا قۇتقارۋشىلار قاتتى جەلمەن ساپبوردتا جاعادان الىسقا ۇشىپ كەتكەن قىزعا كومەككە كەلدى. وقيعا ۇلان اۋدانىنداعى شالكار كولىندە بولدى، دەپ حابارلايدى infohub.kz سايتى.
تجم مالىمەتىنشە، 2003 جىلى تۋعان قىز ساپبوردتا ءجۇزىپ جۇرگەن كەزدە كەنەتتەن جەل كۇشەيگەن. جاعادان ايتارلىقتاي قاشىقتىققا ۇشىپ، ول وزدىگىنەن قايتا الماعان.
قۇتقارۋشىلار دەرەۋ وقيعا ورنىنا جەتىپ، دەمالىپ جۇرگەن قىزدىڭ ءقاۋىپسىز جاعاعا جەتۋىنە كومەكتەستى.
«تجم ەسكە سالادى: ساق بولىڭىزدار، قۇتقارۋشىلاردىڭ ۇسىنىمدارىن ورىنداڭىزدار جانە دەمالىستى جوسپارلاۋ كەزىندە اۋا رايى جاعدايىن ەسكەرىڭىزدەر. قولايسىز اۋا رايى تۋرالى ەسكەرتۋلەر العان كەزدە سۋعا تۇسۋدەن جانە باسقا دا ءقاۋىپتى ارەكەتتەردەن باس تارتىڭىزدار»، — دەپ ۇندەدى قۇتقارۋشىلار.
تاعى ءبىر وقيعا شقو-داعى سۋ ايدىنىندا بولدى. ۇلان اۋدانى، ايىرتاۋ اۋىلىنداعى كامەن سۋ قويماسى ماڭىندا دەمالىپ جۇرگەن 1997 جىلى تۋعان ەر ادام مەن 1999 جىلى تۋعان ايەل قايىقتا بولعان. جەلدىڭ كۇرت كۇشەيۋىنە بايلانىستى ولار بارلىق ارەكەتكە قاراماستان، جاعاعا وزدىگىنەن قايتا الماعان.
قۇتقارۋشىلار ازاماتتارعا كومەككە دەرەۋ جەتىپ، سۋ كولىگىن پايدالانىپ، ەر ادام مەن ايەلدى جاعاعا جەتكىزدى.