شىعىس قازاقستان وبلىسىندا قاتتى ىستىققا بايلانىستى اۋىر جۇك كولىكتەرىنىڭ قوزعالىسىنا شەكتەۋ ەنگىزىلدى، دەپ حابارلايدى infohub.kz سايتى.
كۇندىزگى ۋاقىتتا اۋىر جۇك كولىكتەرى ارنايى تۇراق-كەمپينگتەرگە باعىتتالادى، سەبەبى ساعات 21:00-گە دەيىن تراسسالار جابىق.
سەبەبى — شىعىستا اۋا تەمپەراتۋراسى +40 °C-قا جەتكەن. اسفالت قاتتى قىزعان، سوندىقتان اۋىر كولىكتەر ونى ءبۇلدىرۋى مۇمكىن.
«بۇل شارالار ءدال وسىنداي ىستىق جازدا وزەكتى، سەبەبى بۇل شەكتەۋلەر اۆتوموبيل جولدارىنىڭ توسەمىن ساقتاۋعا باعىتتالعان. ءبىزدىڭ جۇرگىزۋشىلەر بەلگىلەنگەن تالاپتاردى ساقتاۋعا تىرىسادى، زاڭداردى بىلەتىندىكتەرىن كورسەتەدى»، — دەدى شقو كولىكتىك باقىلاۋ ينسپەكسياسى ءبولىمى باسشىسىنىڭ مىندەتىن اتقارۋشى مارات ەسمۋراتوۆ.
باسقا وڭىرلەردە دە وسىعان ۇقساس شارالار قابىلدانعان. بۇعان دەيىن قاتتى ىستىق جامبىل، پاۆلودار جانە تۇركىستان وبلىستارىنداعى تراسسالاردا اسفالتتىڭ دەفورماسياسىنا اكەلگەن.