جاپونيانىڭ ايتي-ناگويا ايماعىندا ءوتىپ جاتقان 2026 جىلعى حح جازعى ازيا ويىندارىندا قازاقستاندىق جەڭىل اتلەت ماريا شۋۆالوۆا 400 مەترگە جۇگىرۋ فينالىندا التىنشى ورىن الدى، دەپ حابارلايدى infohub.kz سايتى.
سپورتشى قاشىقتىقتى 53،59 سەكۋندتا جۇگىرىپ ءوتتى، الايدا جۇلدەگەرلەر قاتارىنا قوسىلا المادى.
جەڭىستى ازيا ويىندارىنىڭ جاڭا رەكوردىمەن باحرەين وكىلى سالۆا ناسەر جەڭىپ الدى — 49،20 سەكۋند. كۇمىستى يراندىق زاحرا زارەي مانۋدجان (52،38)، قولانى ءۇندىستاندىق پراچي (53،21) يەلەندى.
تاعى ءبىر قازاقستاندىق جەڭىل اتلەت يۆان يۆانوۆ يادرو لاقتىرۋ فينالىندا سىنعا ءتۇستى. ەڭ ءساتتى ارەكەتىندە ول 18،46 مەتر كورسەتىپ، توعىزىنشى ورىنعا تۇراقتادى.
بۇل سايىستا چەمپيون اتانعان يراندىق موحاممادرەزا تايەبي ازيا ويىندارىنىڭ جاڭا رەكوردىن ورناتتى — 20،81 مەتر. كۇمىستى ءۇندىستاندىق تادجيندەرپال سينگح تۋر (20،64) الدى، ال ۇزدىك ۇشتىكتى ساۋد ارابياسىنان كەلگەن موحاممەد تولۋ (20،48) تۇيىندەدى.
سەنبى كۇنى 110 مەترگە كەدەرگىلەردەن جۇگىرۋدەن ىرىكتەۋ دە ءوتتى. 2024 جىلعى وليمپياداعا قاتىسقان داۆيد ەفرەموۆ قاشىقتىقتى 14 سەكۋندتا جۇگىرىپ، 14-ورىن الدى جانە فينالعا وتە المادى.