شۆەسيانىڭ قارۋلى كۇشتەرى اسكەري-تەڭىز بازاسىنىڭ ماڭىنداعى رەسەيگە تيەسىلى جەر ۋچاسكەسىن قاۋىپسىزدىك سەبەپتەرىمەن مەملەكەت مەنشىگىنە الۋدى ۇكىمەتتەن سۇرادى.
اسكەريلەر ستوكگولم ارحيپەلاگىنداعى مۋسكو بازاسىنىڭ جانىنداعى جاعالاۋ ايماعىن تاركىلەۋدى سۇراپ، بۇل قادامدى "رەسەيلىك دروندار ءقاۋپى جانە جىلجىمايتىن م ۇلىكتىڭ مەنشىك جاعدايىمەن" بايلانىستىردى.
شۆەد باسىلىمدارىنىڭ حابارلاۋىنشا، رەسەي مەملەكەتىمەن بايلانىسى بار كاسىپكەر مۋسكو ارالىندا ءساندى ءۇي سالىپ جاتقان. الايدا ءۇيدىڭ رەسمي يەسى — ونىڭ ايەلى، ول رەسەي مەن شۆەسيا ازاماتتىعىن قاتار ۇستايدى.
ەكى جىل بۇرىن شۆەسيا رەسەيدىڭ ۋكرايناعا تولىق اۋقىمدى باسىپ كىرۋىنە بايلانىستى ەكى عاسىرلىق اسكەري بەيتاراپتىقتان باس تارتىپ، ناتو-عا مۇشە بولدى.
اسكەري ۆەدومستۆونىڭ مالىمدەمەسىندە بۇل ايماق "مۋسكو اسكەري-تەڭىز بازاسىن، اسىرەسە درونداردان قورعاۋدى نىعايتۋ ءۇشىن بىرەگەي جاعدايلارعا يە" دەلىنگەن. سونداي-اق رەسەيلىك درون سوعىسىنىڭ دامۋى "شۆەسيا ءۇشىن قاۋىپ-قاتەر اياسىن وزگەرتكەنى" اتاپ وتىلگەن.
قوعامدىق تەلەارنا SVT بۇل جىلجىمايتىن م ۇلىك "قارۋلى كۇشتەردىڭ كوزىنە قانداي شانشىپ تۇرعانىن" حابارلادى.
قورعانىس ءمينيسترى پول يونسون ەل "ەشكىمنىڭ نىسانعا كوز سالۋىنا نەمەسە قانداي دا ءبىر تاكتيكالىق ارتىقشىلىققا يە بولۋىنا جول بەرمەۋىمىز كەرەك" دەپ مالىمدەدى، دەپ حابارلادى شۆەسيانىڭ TV4 تەلەارناسى.
قارۋلى كۇشتەردىڭ مالىمدەمەسىندە باس شتاب باستىعى كارل-يوحان ەدسترومنىڭ شۆەسيا "ەكىنشى دۇنيەجۇزىلىك سوعىس اياقتالعاننان بەرگى ەڭ اۋىر قاۋىپسىزدىك جاعدايىنا تاپ بولىپ وتىرعانىن" ايتقانى كەلتىرىلگەن.
رەسەيلىك كاسىپكەردىڭ ءقازىر شۆەسيادا تۇراتىنى بەلگىسىز. ونىڭ ايەلى جىلجىمايتىن م ۇلىكتى 2017 جىلدان بەرى يەلەنىپ كەلەدى دەپ حابارلانادى.