شۆەيساريانىڭ ۆالە كانتونىندا 34 جىل بويى حابارسىز كەتكەن ەكى بەلگيالىق ءالپينيستىڭ ءمايىتى تابىلدى، دەپ حابارلايدى infohub.kz.
ريا نوۆوستي كانتون پوليسياسىنا سىلتەمە جاساپ، ەر ادامداردىڭ قالدىقتارىن تۋريست بايقاعانىن حابارلايدى. ولار تريفت مۇزدىعىنىڭ ەرۋى سالدارىنان اشىلىپ قالعان. جۇرگىزىلگەن دنك-تالداۋ مايىتتەردىڭ 1992 جىلى ۆايسميس اۋدانىندا جوعالعان الپينيستەرگە تيەسىلى ەكەنىن انىقتاۋعا مۇمكىندىك بەردى.
قايتىس بولعاندار بەلگيا ازاماتتارى بولعانى، ولار جوعالعان كەزدە 39 جانە 41 جاستا بولعانى ناقتىلاندى.
كانتون پوليسياسى 1925 جىلدان بەرى تىركەلگەن وتىنىشتەردى قامتيتىن حابارسىز كەتكەندەردىڭ ءتىزىلىمىن جۇرگىزەدى. نەگىزىنەن بۇل بيىك تاۋلى ايماقتاردا نەمەسە سۋ ايدىندارىندا جوعالعان ادامدار.
پوليسيادا مۇزدىقتاردىڭ شەگىنۋىنە بايلانىستى بىرنەشە ونجىلدىق بۇرىن تاۋدا جوعالعان ادامداردىڭ سۇيەكتەرى كەيدە تابىلاتىنىن اتاپ ءوتتى.
قوسىمشا ايتا كەتەيىك، بيىلعى جاز شۆەيساريادا ىستىق دەڭگەيى بويىنشا رەكورد جاڭارتىپ جاتىر: شىلدە مەتەوباقىلاۋ تاريحىنداعى ەڭ ىستىق اي بولدى. وسىعان بايلانىستى وزەندەر مەن كولدەردەگى سۋ دەڭگەيى ايتارلىقتاي تومەندەپ، مۇزدىقتاردىڭ ەرۋ جىلدامدىعى ارتتى.