الماتىدا شىعىس اينالما اۆتوموبيل جولىنداعى ەليتالىق كولىكتەردىڭ اسەرلى كورتەجى پوليسيانىڭ نازارىن اۋداردى. بۇزۋشىلار جاۋاپكەرشىلىككە تارتىلدى، دەپ حابارلايدى infohub.kz.
الماتى قالالىق پوليسيا دەپارتامەنتىنىڭ ءباسپاسوز قىزمەتىنىڭ مالىمەتىنشە، وڭتۇستىك استانانىڭ اينالما جولىنداعى ەليتالىق كولىكتەر كورتەجىنىڭ ۆيدەوسى الەۋمەتتىك جەلىلەردە تارالىپ كەتكەن. «بۇل كادرلار ينتەرنەت-كەڭىستىكتى مونيتورينگتەۋ بارىسىندا پوليسيا قىزمەتكەرلەرىنىڭ نازارىن اۋداردى. جۇرگىزۋشىلەر شىعىس اينالما اۆتوموبيل جولىمەن سولتۇستىك باعىتتا قوزعالىپ كەلە جاتىپ، جول قوزعالىسى ەرەجەلەرىن بىرنەشە رەت بۇزعانى انىقتالدى. قىسقا مەرزىمدە اكىمشىلىك پوليسيانىڭ ىزدەستىرۋ بولىمشەسىنىڭ قىزمەتكەرلەرى اۆتوكولىك شەرۋىنىڭ بارلىق قاتىسۋشىلارىنىڭ جەكە باسىن انىقتاپ، ولاردى اكىمشىلىك جاۋاپكەرشىلىككە تارتتى»، — دەلىنگەن حابارلامادا.
جۇرگىزۋشىلەرگە قاتىستى اۆاريالىق جاعداي تۋعىزۋ، جاساندى كەپتەلىس جاساۋ، ءاۆتوموبيلدى زاڭسىز تونيروۆكامەن باسقارۋ، سونداي-اق قاۋىپسىزدىك بەلدىگىن پايدالانۋ ەرەجەلەرىن بۇزۋ فاكتىلەرى بويىنشا اكىمشىلىك ماتەريالدار تولتىرىلدى. «كولىكتىڭ قۇنىنا، جۇرگىزۋشىنىڭ مارتەبەسىنە نەمەسە قوعامدىق نازارعا قاراماستان، جول قوزعالىسى ەرەجەلەرىنىڭ تالاپتارى بارلىعىنا بىردەي جانە مىندەتتى تۇردە ورىندالۋعا ءتيىس»، — دەپ مالىمدەدى پد-دا.