شىمكەنتتە ءتورت بلوگەر جالدامالى پاتەردە TikTok جەلىسىندە تىكەلەي ەفير جۇرگىزىپ، «كۇڭكىل گاز» پايدالانعان جانە بىلاپىت سويلەگەن. سوت ولارعا اكىمشىلىك قاماۋ جازاسىن تاعايىندادى، دەپ حابارلايدى infohub.kz سايتى.
پوليسيانىڭ مالىمەتىنشە، ەفير بارىسىندا قاتىسۋشىلار بىلاپىت سوزدەر ايتىپ، «كۇڭكىل گاز» پايدالانعان.
«ەفيرگە قاتىسۋشىلار — تۇركىستان وبلىسىنىڭ تۋماسى، جەلىدە «اق جولبارىس» دەگەن لاقاپ اتپەن تانىمال 31 جاستاعى اپپاز بەكسۇلتان، قىزىلوردا وبلىسىنىڭ تۋماسى، «سامپو» دەگەن اتپەن تانىمال 22 جاستاعى امير سامات، ماڭعىستاۋ وبلىسىنىڭ تۋماسى 25 جاستاعى جولداس نۇرعازى جانە تۇركىستان وبلىسىنىڭ تۋماسى 26 جاستاعى جۇماعۇل ەراسىل شىمكەنتتەگى جالدامالى پاتەردە بولعانى انىقتالدى»، — دەلىنگەن حابارلامادا.
اتالعان ءتورت ادامنىڭ بارلىعى اكىمشىلىك جاۋاپكەرشىلىككە تارتىلعانى بەلگىلى بولدى.
«سوت شەشىمىمەن اپپاز بەكسۇلتان 17 تاۋلىككە، امير سامات 5 تاۋلىككە، جولداس نۇرعازى 7 تاۋلىككە، جۇماعۇل ەراسىل 5 تاۋلىككە اكىمشىلىك قاماۋعا الىندى»، — دەپ قوستى پوليسيا وكىلدەرى.
ەسكە سالايىق، الماتىدا Instagram پاراقشاسىندا بىلاپىت سويلەگەن ەر ادام 5 تاۋلىككە قاماۋعا الىنعان بولاتىن. ال بۇعان دەيىن الماتىلىق بلوگەرلەر ادەپسىز مازمۇنداعى ماتەريالدار ءۇشىن جانە تىكەلەي ەفيرلەردە بىلاپىت سويلەگەنى ءۇشىن قاماۋعا الىنعان ەدى.