جۇڭگو حالىق رەسپۋبليكاسىنىڭ ءتوراعاسى سي سزينپين امەريكا قۇراما شتاتتارىنا مەملەكەتتىك ساپارمەن بارادى — ساپار 23–25 قىركۇيەككە جوسپارلانعان. بۇل تۋرالى رەسمي حابارلامانى جۇڭگو سىرتقى ىستەر مينيسترلىگى جاريالادى، دەپ حابارلايدى infohub.kz سايتى.
قىتايدىڭ سىرتقى ساياسات ۆەدومستۆوسىنىڭ سايتىندا جازىلعانداي، سي سزينپين اقش-قا اقش پرەزيدەنتى دونالد ترامپتىڭ شاقىرۋىمەن بارادى.
Bloomberg دەرەگىنشە، قحر ءتوراعاسى ءۇشىن بۇل 2023 جىلدان بەرگى اقش-قا العاشقى ساپارى. ول كەزدە ول اقش-تىڭ ەكس-پرەزيدەنتى دجو بايدەنمەن كەزدەسكەن بولاتىن، ساپار سان-فرانسيسكوداعى سامميتكە قاتىسۋدى دا قامتىعان.
اگەنتتىك اتاپ وتكەندەي، تاراپتار بىلتىر وڭتۇستىك كورەيادا كەلىسكەن ساۋدا سوعىسىنداعى ءبىتىمدى ۇزارتۋ پەرسپەكتيۆاسى بارعان سايىن ناقتىلانىپ كەلەدى، ويتكەنى ءقازىر امەريكاندىق ەنەرگەتيكا جانە اۋىل شارۋاشىلىعى سەكتورلارىنىڭ ونىمدەرىن قوسا العاندا، ءبىرقاتار تاۋارعا باج سالىعىن ايتارلىقتاي تومەندەتۋ ماسەلەسى تالقىلانىپ جاتىر.