سىن ەسىم

قازاق ءتىلى
سىنىبى: 2
ساباقتىڭ تاقىرىبى: سىن ەسىم
ساباقتىڭ ماقساتى: سىن ەسىمدەردى سويلەم ىشىنەن تاۋىپ، وعان دۇرىس سۇراق قويا بىلۋگە ۇيرەتۋ، ساۋاتتى تازا جازۋعا داعدىلاندىرۋ؛
تاپسىرمالاردى ورىنداۋ ارقىلى، وقۋشىلاردىڭ سىن تۇرعىسىنان ويلاۋىن دامىتۋ، ۇيىمشىلدىققا، ىزدەنىمپازدىققا، شىعارماشىلىقپەن جۇمىس ىستەۋگە تاربيەلەۋ.
ساباقتىڭ ءادىسى: سۇراق - جاۋاپ، كورنەكىلىك، توپتاستىرۋ، «بەس جولدى ولەڭ»، كەستە.

ساباقتىڭ بارىسى:
ءى. ۇيىمداستىرۋ كەزەڭى.
پسيحولوگيالىق ءسات
وقىتۋشى مەن وقۋشىلار شەڭبەر بولىپ، ءبىر - بىرىنە الما كەزەك گۇل بەرىپ، ءوز تىلەكتەرىن بىلدىرەدى. پسيحولوگيالىق ساتتەن كەيىن وقۋشىلار اسا سەرگەكتىكپەن ساباققا قاتىسادى.

ءىى. ءۇي تاپسىرماسىن تەكسەرۋ
جاتتىعۋ جۇمىستارىن تەكسەرۋ
(3 - جاتتىعۋ جۇمىسىنان سۇراقتارعا جاۋاپ جازىپ، قانداي؟ دەگەن سۇراققا جاۋاپ بەرەتىن سوزدەردىڭ استىن سىزعاندارىن تەكسەرۋ.)

ءىىى. جاڭا ساباق.
1.(ءار توپقا سۋرەت تاراتۋ). سۋرەتكە قاراپ سۋرەتتە نە كورگەندەرىن سۇراۋ. سونىڭ ىشىنەن قانداي؟ دەگەن سۇراققا جاۋاپ بەرەتىن سوزدەردى تاپقىزۋ.
وقۋشىلاردىڭ جاڭا ساباقتى قانشالىقتى دەڭگەيدە مەڭگەرگەندىكتەرىن تەكسەرۋ.(كەسپە قاعازداردان سوزدەر قۇراۋ. سول قۇراعان سوزدەرگە سۇراقتار قويىپ، ول قانداي ءسوز تابى ەكەنىن سۇراۋ )

2. تەوريانى پراكتيكامەن ۇشتاستىرۋ.
وقۋلىقپەن جۇمىس. 1 - جاتتىعۋ جۇمىسىن جازباشا ورىنداۋ. ولەڭدى كوشىرىپ جازۋ. سىن ەسىمدەردىڭ استىن يرەك سىزىقپەن سىزدىرۋ.
قۇشاعى كەڭ تەڭىزدەن،
اياسىنداي گۇل باقتىڭ.
اپپاق ءسۇتىن ەمىزگەن،
قىمباتتىسى قىمباتتىڭ،
انام قانداي جاقسى ادام!

3. 2 - جاتتىعۋدا كوپ نۇكتەنىڭ ورنىنا ءتيىستى ءسوزدى قويىپ جازدىرۋ. كوپ نۇكتەنىڭ ورنىنا قويعان سوزدەرگە سۇراق قويعىزۋ. بۇل سوزدەر قانداي زاتتىڭ اتىن ءبىلدىرىپ تۇرعانىن تاپقىزۋ.
كەرەكتى سوزدەر: الاسا، بۇرالاڭ، قىزىل، جازىق، جاپ - جاسىل.
تاۋعا اپاراتىن... جولمەن كەلە جاتىرمىز.... توبەلەردەن اسىپ،... جەرگە جەتتىك.... گۇلدەر جايقالىپ ءوسىپ تۇر.... دالا كەلبەتى اجەلەرىمىزدىڭ جاساعان تەكەمەتىنە ۇقسايدى. قاراساڭ، كوز تويعىسىز!

4. 3 - جاتتىعۋ. سىن ەسىمدەردى وقى. ولاردى ماعىناسىنا قاراي توپتاپ جاز.
اششى، الا، ۇلكەن، كىشى، ءدامدى، كۇرەڭ، قاتتى، جۋان، قىزعىلت، مىقتى، سۇر، ءتاتتى، جىڭىشكە،
تۇزدى، جۇمساق.
ءتۇسى: الا،...
ءدامى: تۇزدى،...
كولەمى: جۋان،...
ساپاسى: جۇمساق،...

5. وي تولعاۋ. «سانجۇمباق»ويىنى.
تاقتاعا ساندارمەن بەرىلگەن ارىپتەر تىزبەگى ىلىنەدى. وقۋشىلار ءجۇمباقسوزدى قۇراستىرىپ، شەشۋىن تابادى.

5 ءا ----- 6 ى ---- 8 پ ---- 15 ە --- 9 ا ---- 10 ە --- 7 ب ---- 14 ا ---- 13 ل --- 20 ا
11 ءى ---- 34 ----- 2 د ---- 12 ر --- 25 ا --- 13 ا --- 43 س --- 18 ------ 75 ----- 66 س
4 ت ----- 50 ل --- 60 ب --- 36 ا --- 3 ل ---- 77 پ --- 70 ز --- 56 ى --- 17 و
22 ب --- 1 د ---- 24 ا --- 80 ل --- 91 ءا --- 21 ءى ---- 16 ب --- 45 ل --- 99 ر

شەشىمى: ادەپتى بالا – ارلى بالا،
ادەپسىز بالا – سورلى بالا.

6. سەرگىتۋ ءساتى.
7. 4 - جاتتىعۋ. سوزدەردىڭ قاسىنا زاتتىڭ اتىن بىلدىرەتىن ءسوز تاۋىپ جاز. سىن ەسىمدەرگە سۇراق قوي.
قارا، جيرەن، سۇر، تاياز، جازىق، بيىك، الاسا، قىزىق، جۇيرىك، وتكىر، جاڭا، ءمولدىر.
ۇلگى: قارا (قانداي؟) بوياۋ، جيرەن (قانداي؟) ات، سۇر (قانداي؟) قويان، وتكىر (قانداي؟) قايشى، جاڭا (قانداي؟) كيىم، ءمولدىر (قانداي؟) سۋ،...

8. بەس جولدى ولەڭ ستراتەگياسى.
گۇلدەر، گۇلدەر شوق گۇلدەر،
قىزىل گۇلدەر، كوك گۇلدەر.
تۇرا بەرشى ىرعالىپ،
تۇرا بەرشى نۇرلانىپ.
ولەڭنەن سىن ەسىمدەردى تاۋىپ، ولارعا سۇراق قويىڭدار.

9. شىعارماشىلىق تاپسىرما.
ءاربىر بالا وتباسى تۋرالى شاعىن اڭگىمە جازۋ. سونىڭ ىشىنەن سىن ەسىمدەردى تاۋىپ، سۇراقتار قويۋ.
10. ساباقتى قورىتىپ بەكىتۋ.
سۇراق - جاۋاپ ءتاسىلى ارقىلى ساباقتى قورىتۋ.
11. ۇيگە تاپسىرما بەرۋ.
سۋرەت بويىنشا اڭگىمە قۇراستىرۋ. سىن ەسىمدەردى تاۋىپ سۇراق قايۋ.
12. باعالاۋ.