سىندارلى وقىتۋ - زامان تالابى

ۇستازى تالانتتى بولسا،
شاكىرتى تالاپتى بولادى.
(حالىق دانالىعى)

ەگەمەندى ەلىمىزدىڭ الدىڭعى قاتارلى مەملەكەتتەردىڭ قاتارىنا قوسىلۋعا تاباندىلىقپەن جىلجۋ ساياساتى قوعامىمىزدىڭ بارلىق سالاسىندا تۇبەگەيلى وزگەرىستەر ەنگىزىپ، جاڭا تالاپتار قويۋدا. سونىڭ ىشىندە، بولاشاق ۇرپاققا الەمدىك دەڭگەيدە ءبىلىم بەرۋ ماقساتىنا وراي ءبىلىم مازمۇنىنا جاڭاشا قاراۋ - باستى مىندەتتەردىڭ ءبىرى. قازىرگى ۋاقىتتاعى جاڭا پەداگوگيكا عىلىمىنداعى پروبلەما ول - وقۋشىلاردىڭ پانگە دەگەن قىزىعۋشىلىعىن ارتتىرۋ بولىپ تابىلادى. جاڭا تەحنولوگيانىڭ ءادىس - تاسىلدەرى وقۋشىلاردىڭ ءبىلىمىن تولىقتىرۋعا كومەكتەسەدى. وسىعان وراي وزىق تاجىريبە، جاڭا تەحنولوگيانىڭ ءتيىمدى ادىستەرىن تاڭداپ الىپ، ولاردى ۇيلەسىمدى، ءتيىمدى جانە شىعارماشىلىقپەن پايدالانۋ – ۇستاز شەبەرلىگىنىڭ بەلگىسى دەپ ەسەپتەيمىن. ءار زاماننىڭ ءوز ۇسىنارى بار. قالاي بولعاندا دا زامان اعىمىنا ىلەسۋ - ۇلى مۇرات. ءاربىر مەملەكەتتىڭ ءوسىپ وركەندەۋىنىڭ، باسەكەگە قابىلەتتى بولۋىنىڭ ەڭ باستى وشاعى - ۇستاز بەرگەن بىلىمدە. سوندىقتان دا دامۋدىڭ ەڭ بيىك كوكجيەگىنەن كورىنگىسى كەلگەن كەز كەلگەن مەملەكەت ەڭ الدىمەن، ءبىلىم بەرۋ سالاسىن دۇرىس جولعا قويىپ، ساپاسىن كوتەرۋدى ماقسات ەتەدى. ەندەشە، وسىنداي باسەكەگە قابىلەتتى، رۋحى بيىك ۇرپاق تاربيەلەۋ جاڭا فورماسيا ءمۇعالىمىنىڭ ەنشىسىنە تيەرى انىق. سوندىقتان قازىرگى زامان تالابىنا ساي ءبىلىمنىڭ كۇشى باعالانىپ، وقۋ - اعارتۋدىڭ، ونىڭ ىشىندە ءبىلىمدى ادامنىڭ بەدەلى ءوسىپ كەلەدى. ۋاقىت تالابىنا ساي ءبىلىمنىڭ دامۋى يننوۆاسيالىق ۇردىستەردى ەنگىزۋمەن انىقتالادى. ءداستۇرلى وقۋ ادىستەرىن جاڭا ءتيىمدى وقىتۋ ادىستەرىمەن الماستىرۋ ارقىلى وقۋشىلاردىڭ ءبىلىم، بىلىك، داعدىلارىن ارتتىرىپ، مەكتەپتەن العان ءبىلىمىن ودان ءارى قاراي دامىتۋىنا، ومىردە ءوز بىلىمىنە داڭعىل جول اشۋىنا، سىندارلى وقىتۋ تەحنولوگياسىنىڭ اسەرى كوپ پايدا كەلتىرەدى

№ 158 ورتا مەكتەبى
ش. قودامانوۆ اۋىلى
كەتەپوۆا جاۋحار

سىندارلى وقىتۋ - زامان تالابى. جۇكتەۋ