سينگاپۋردا جاساندى ينتەللەكت ارقىلى جاسالعان قولتىراۋىن سۋرەتىن تاراتقانى ءۇشىن ەر ادام سوتقا تارتىلدى. جەرگىلىكتى سۋ رەسۋرستارى اگەنتتىگى 20 تامىزدا پاندان سۋ قويماسىندا قولتىراۋىن كورىنگەنى تۋرالى حابارلاما العانىن مالىمدەدى، دەپ حابارلايدى infohub.kz سايتى.
اگەنتتىك قىزمەتكەرلەرى مەن ۇلتتىق ساياباق قىزمەتكەرلەرى اۋماقتا قولتىراۋىندى ىزدەپ، ۇستاۋ جۇمىستارىن جۇرگىزدى. سينگاپۋر ەسۋ قاۋىمداستىعى مەن سينگاپۋر كانوە فەدەراسياسىنا قىزمەتىن توقتاتا تۇرۋ تۋرالى حابارلاندى.
الايدا كەلەسى كۇنى سۋ رەسۋرستارى اگەنتتىگى قولتىراۋىن بەينەسىنىڭ جالعان ەكەنىن راستاپ، پوليسياعا حابارلادى.
ءىس قاراشا ايىندا قايتا قارالادى. ە لين كىنالى دەپ تانىلسا، تۇرمە جازاسى مەن ءىرى ايىپپۇلعا تارتىلۋى مۇمكىن.
سينگاپۋردا جالعان حابارلاما تاراتۋ ءۇش جىلعا دەيىن باس بوستاندىعىنان ايىرۋعا، 10 مىڭ سينگاپۋر دوللارىنا دەيىن (شامامەن 7 800 اقش دوللارى؛ 5 900 فۋنت ستەرلينگ) ايىپپۇلعا نەمەسە ەكەۋىنە دە اكەپ سوعۋى مۇمكىن. سوت تورەلىگىنە كەدەرگى جاساۋ جەتى جىلعا دەيىن باس بوستاندىعىنان ايىرۋعا، ايىپپۇلعا نەمەسە ەكەۋىنە دە تارتىلۋى مۇمكىن.
پوليسيا ە لين قولتىراۋىن سۋرەتىن جاساندى ينتەللەكت ارقىلى جاساپ، ونى ارىپتەسىنە جىبەرگەنىن العا تارتىپ وتىر.
«ەر ادام كەيىننەن سۋرەتتى جانە وعان قاتىستى قوسىمشانى ءوشىرىپ، ءوز ارەكەتىن جاسىرۋعا تىرىسقان»، — دەلىنگەن پوليسيا مالىمدەمەسىندە.
ە لين ارىپتەسىنە جىبەرگەن جالعان سۋرەت تۋرالى ۇلتتىق سۋ رەسۋرستارى اگەنتتىگىنە قالاي حابارلانعانى بەلگىسىز.