ءۇندىستاننان شىققان انۋرادحا مەن ۆيكاس سينحا ەرلى-زايىپتىلارى سولتۇستىك تەحاس ۋنيۆەرسيتەتىنە (UNT) 20 ميلليون دوللار بەردى. بۇل قاراجاتقا وقۋ ورنىنىڭ قۇرامىندا ولاردىڭ ەسىمىمەن اتالاتىن جاڭا كوللەدج اشىلادى، دەپ حابارلايدى infohub.kz سايتى.
NDTV جازۋىنشا، بۇل ءىرى قايىرىمدىلىق انۋرادحا مەن ۆيكاس سينحا اتىنداعى جاساندى ينتەللەكت جانە وزىق اناليتيكا كوللەدجىن اشۋعا باعىتتالعان.
جاڭا كوللەدج جاساندى ينتەللەكت، كيبەرقاۋىپسىزدىك، دەرەكتەر عىلىمى، مەديسينالىق ينفورماتيكا جانە ءبىلىم بەرۋ تەحنولوگيالارى سالالارىنداعى باعدارلامالاردى بىرىكتىرەتىن ءىرى اكادەميالىق ءارى زەرتتەۋ ورتالىعىنا اينالادى.
بولىنگەن قارجى التى تۇراقتى ماقساتتى قور قۇرۋعا جۇمسالادى. ولار ستۋدەنتتەرگە ستيپەنديا، پروفەسسورلىق قىزمەتتەر، عىلىمي-زەرتتەۋ جوبالارى، كاسىپكەرلىكتى قولداۋ جانە وزىق تەحنولوگيالاردى دامىتۋعا قارجى ءبولىپ وتىرادى.
2023 جىلى سولتۇستىك تەحاس ۋنيۆەرسيتەتىندە دوكتورلىق ديسسەرتاسياسىن قورعاعان ۆيكاس سينحا جاساندى ينتەللەكت قازىرگى زاماننىڭ ايقىنداۋشى تەحنولوگيالارىنىڭ ءبىرى ەكەنىن، ال ۋنيۆەرسيتەتتەر بولاشاق مامانداردى دايارلاۋدا شەشۋشى ءرول اتقاراتىنىن اتاپ ءوتتى.
ول سونداي-اق بۇل قادام وتباسىنىڭ جاڭا بۋىن ستۋدەنتتەردى قولداۋعا جانە اقش-تاعى عىلىم مەن ءبىلىمنىڭ دامۋىنا يمميگرانتتاردىڭ قوسقان ۇلەسىن كورسەتۋگە دەگەن ۇمتىلىسىن بىلدىرەتىنىن ايتتى.
بۇعان دەيىن ەرلى-زايىپتىلار وسى ۋنيۆەرسيتەتكە قارجىلاي كومەك كورسەتكەن. سونىڭ ارقاسىندا 2024 جىلى وقۋ ورنىندا دەرەكتەر عىلىمى دەپارتامەنتى اشىلعان.