الماتى، اقتوبە، اتىراۋ، پەتروپاۆل، كوكشەتاۋ جانە وسكەمەن تۇرعىندارىنا 2026 جىلعى 30 قىركۇيەك، سارسەنبى كۇنى اۋانىڭ لاستانۋى جوعارىلايتىنى تۋرالى ەسكەرتىلدى، دەپ حابارلايدى infohub.kz سايتى.
سينوپتيكتەردىڭ تۇسىندىرۋىنشە، قولايسىز مەتەورولوگيالىق جاعدايلار (قمج) — تىمىق اۋا رايى، ءالسىز جەل، تۇمان جانە ينۆەرسيا سياقتى قىسقا مەرزىمدى مەتەورولوگيالىق فاكتورلاردىڭ قوسىندىسى. ءدال وسى قۇبىلىستار زياندى، ياعني لاستاۋشى زاتتاردىڭ اتموسفەرالىق اۋانىڭ جەر بەتى قاباتىندا جينالۋىنا ىقپال ەتەدى.
قمج تۋىنداعان كەزدە ەلدى مەكەندەردە اتموسفەرالىق اۋانىڭ ساپاسى ناشارلاۋى مۇمكىن، بۇل ادامداردىڭ دەنساۋلىعىنا اسەر ەتەدى.
لاستانۋ دەڭگەيىنىڭ قالىپتاسۋىن ايقىندايتىن ماڭىزدى فاكتورلاردىڭ ءبىرى — جەل، جاۋىن-شاشىن، ىلعالدىلىق جانە اۋا تەمپەراتۋراسى سياقتى سينوپتيكالىق جاعدايدىڭ بولجامى.
بۇعان دەيىن «كۋرسيۆ» قازاقستاندىقتاردى 4 گرادۋسقا دەيىنگى ۇسىك، جاۋىن-شاشىن، تۇمان جانە قاتتى جەل تۋرالى ەسكەرتكەنىن جازعان بولاتىن.