سيەتلدەگى ازىق-ت ۇلىك فەستيۆالىندە بولعان اتىستان ەكى ادام قازا تاۋىپ، بەس ادام جارالاندى، دەپ حابارلايدى infohub.kz سايتى.
جەكسەنبى كۇنى كەشكە عارىش ينەسى ماڭىنداعى سيەتل ورتالىعىندا ءوتىپ جاتقان «بيت وف سيەتل» ازىق-ت ۇلىك فەستيۆالىندە اتىس بولدى. قالالىق ءورت ءسوندىرۋ قىزمەتى وكىلىنىڭ ايتۋىنشا، وقيعا سالدارىنان ەكى ادام قازا تاۋىپ، بەس ادام جارالاندى. اتىستان كەيىن پوليسيا تۇرعىنداردى بۇل ايماقتان اۋلاق بولۋعا شاقىردى.
حاربورۆيۋ مەديسينالىق ورتالىعىنىڭ وكىلى سيۋزان گرەگگتىڭ مالىمەتىنشە، ولارعا ءتورت زارداپ شەگۋشى جەتكىزىلگەن، سونىڭ ىشىندە ءبىر ءسابي، 23 جاستاعى ەر ادام جانە ەكى ايەل بار. ءبىر ناۋقاستىڭ جاعدايى اۋىر دەپ باعالانىپ وتىر.
وقيعا كۋاگەرى ەستان ۋاكونابونىڭ ايتۋىنشا، ول قىز-دوسىمەن بىرگە فەستيۆالدە فوتوسۋرەتكە كەزەكتە تۇرعاندا، ارتىنان بىرەۋ يتەرىپ جىبەرگەن. سودان كەيىن ول ادامداردىڭ ۇرەيلەنىپ قاشقانىن كورگەن. «ادامدار تىعىلىپ جاتىر، يتەرىسىپ جاتىر، جەرگە قۇلاپ جاتىر، بالالار اربالارى دا قۇلادى»، – دەيدى ۋاكونابو. ول دىبىستاردى ەستىگەندە اتىس ەكەنىن تۇسىنگەنىن ايتادى. قىز-دوسىن ءقاۋىپسىز جەرگە اپارىپ، وقيعا ورنىنا قايتا ورالعاندا، بىرنەشە جابىرلەنۋشىنى جەردە جاتقان كۇيى كورگەن.
ايتا كەتەيىك، جىل سايىن وتەتىن بۇل فەستيۆال 1982 جىلى باستالعان جانە ءۇش كۇن ىشىندە شامامەن 350 000 ادامدى تارتادى.