قازاقستان سيرەك جانە سيرەك جەر مەتالدارى وندىرىسىنە ينۆەستيسيانى ارتتىرۋدى كوزدەپ وتىر. بۇل تۋرالى ق ر ونەركاسىپ جانە قۇرىلىس ءمينيسترى قانات شارلاپايەۆ ماجىلىستەگى ۇكىمەت ساعاتىندا مالىمدەدى، دەپ حابارلايدى infohub.kz سايتى.
— سيرەك جانە سيرەك جەر مەتالدارى سالاسىن دامىتۋدىڭ 2024–2028 جىلدارعا ارنالعان كەشەندى جوسپارى بەكىتىلدى. ول ينۆەستيسيا مەن ءوندىرىس كولەمىن 40%-كە ارتتىرۋدى كوزدەيدى. مەملەكەتتىڭ سىرتقى ەكونوميكالىق بايلانىسى شەشۋشى ءرول اتقارادى. مينيسترلىك ەۋروپالىق وداقپەن، اقش-پەن جانە ۇلىبريتانيامەن ىنتىماقتاستىقتى نىعايتتى، — دەدى ق. شارلاپايەۆ.
ناقتى ناتيجەلەر رەتىندە مينيستر ليتي كەن ورىندارىن بىرلەسىپ يگەرۋ (نەمىس HMS Bergbau كومپانياسىمەن، $500 ملن)، قايتالاما شيكىزاتتى وڭدەۋ (بريتاندىق Maritime House Ltd كومپانياسىمەن) جانە سيرەك جەر، سىني مەتالدار (امەريكاندىق Cove Capital LLC كومپانياسىمەن) بويىنشا جاسالعان كەلىسىمدەردى اتاپ ءوتتى.
— سالانى دامىتۋ تۇجىرىمداماسىندا ءبىز مينەرالدىق بازانى ۇلعايتۋ، زاماناۋي تەحنولوگيالاردى تارتۋ، قولدانىستاعى ءوندىرىستى كەڭەيتۋ ماقساتىن قويامىز. ەڭ باستىسى — قازاقستاننىڭ جاھاندىق قۇن تىزبەگىنىڭ ورتاڭعى بۋىنىنداعى ءرولىن نىعايتۋ، — دەپ قوستى ق. شارلاپايەۆ.