سەمەي گارنيزونىنىڭ اسكەري سوتى تۇرعىن ءۇي كوميسسياسىنىڭ شەشىمىن زاڭسىز دەپ تانىپ، اسكەري قىزمەتشىگە اقشالاي وتەماقى تولەۋدى مىندەتتەدى، دەپ حابارلايدى infohub.kz.
ق ر اسكەري سوتىنىڭ رەسمي Telegram-ارناسىندا حابارلانعانداي، سەمەي گارنيزونىنىڭ اسكەري سوتى اسكەري قىزمەتشىنىڭ تۇرعىن ءۇي كوميسسياسى حاتتاماسىن زاڭسىز دەپ تانۋ جانە ونى جويۋ، سونداي-اق اقشالاي وتەماقى تولەۋدى مىندەتتەۋ تۋرالى تالاپ ارىزى بويىنشا اكىمشىلىك ءىستى قارادى.
سوت انىقتاعانداي، ەر ادام 1996 جىلدىڭ شىلدەسىنەن 1997 جىلدىڭ قاراشاسىنا دەيىن تالدىقورعان گارنيزونى بويىنشا مەملەكەتتىك تەرگەۋ كوميتەتىنىڭ اسكەري-تەرگەۋ بولىمىندە، 1997 جىلدىڭ قاراشاسىنان 1999 جىلدىڭ شىلدەسىنە دەيىن ق ر ءىىم-نىڭ اسكەري-تەرگەۋ ورگاندارىندا اسكەري قىزمەت وتكەرگەن. 2026 جىلدىڭ ساۋىرىندە ول اقشالاي وتەماقى تولەۋ تۋرالى راپورتپەن جۇگىنگەن.
تۇرعىن ءۇي كوميسسياسىنىڭ حاتتامالىق شەشىمىمەن تالاپكەرگە اقشالاي وتەماقى تولەۋدەن باس تارتىلدى، سەبەبى مەملەكەتتىك تەرگەۋ كوميتەتىندەگى جانە ق ر ءىىم-نىڭ اسكەري-تەرگەۋ بولىمشەلەرىندەگى قىزمەت قۇقىق قورعاۋ قىزمەتى بولىپ تابىلادى جانە ق ر قارۋلى كۇشتەرىنە جاتپايدى.
ق ر «اسكەري قىزمەت جانە اسكەري قىزمەتشىلەردىڭ مارتەبەسى تۋرالى» زاڭىنىڭ 1-بابى 20-تارماعىنا سايكەس اسكەري قىزمەتشىلەر — قازاقستان رەسپۋبليكاسىنىڭ قارۋلى كۇشتەرىندە، باسقا دا اسكەرلەر مەن اسكەري قۇرالىمداردا اسكەري قىزمەتتە تۇراتىن قازاقستان رەسپۋبليكاسىنىڭ ازاماتتارى.
ق ر «قورعانىس جانە قازاقستان رەسپۋبليكاسىنىڭ قارۋلى كۇشتەرى تۋرالى» زاڭىنىڭ 1-بابى 15-تارماقشاسىنا سايكەس باسقا اسكەرلەر مەن اسكەري قۇرالىمدار — شەكارا قىزمەتى، اۆياسيالىق قىزمەت، شەكارا اكادەمياسى، ق ر ۇقك-نىڭ اسكەري كونتربارلاۋ جانە اسكەري پوليسيا ورگاندارى جانە قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن ايقىندالاتىن ۇلتتىق قاۋىپسىزدىك ورگاندارىنىڭ وزگە دە بولىمشەلەرى، قازاقستان رەسپۋبليكاسى مەملەكەتتىك كۇزەت قىزمەتىنىڭ ارنايى ماقساتتاعى كۇشتەرى، ق ر ۇلتتىق ۇلانى، ق ر ءىىم-نىڭ اسكەري-تەرگەۋ ورگاندارى، ازاماتتىق قورعاۋ سالاسىنداعى ۋاكىلەتتى ورگاننىڭ ازاماتتىق قورعانىس باسقارۋ ورگاندارى مەن اسكەري بولىمدەرى، اسكەري پروكۋراتۋرا ورگاندارى.
زاڭنىڭ وسى نورماسىنىڭ ماعىناسىنان ق ر ءىىم-نىڭ اسكەري-تەرگەۋ ورگاندارى باسقا اسكەرلەر مەن اسكەري قۇرالىمدارعا جاتاتىنى كورىنەدى. سوت اسكەري قىزمەتشىنىڭ تالاپ ارىزىن قاناعاتتاندىرىپ، تۇرعىن ءۇي كوميسسياسىنىڭ شەشىمىن زاڭسىز دەپ تانىپ، جاۋاپكەردى تالاپكەرگە اقشالاي وتەماقى تولەۋگە مىندەتتەدى.
شەشىم زاڭدى كۇشىنە ەنگەن جوق.