سولتۇستىك قازاقستان وبلىسىندا ليسەنزياسىز زاڭسىز كاسىپكەرلىك جانە ميكروقارجى قىزمەتىمەن اينالىسقان ەر ادام ەكى جىلعا باس بوستاندىعى شەكتەۋگە سوتتالدى، دەپ حابارلايدى infohub.kz سايتى.
قارجىلىق مونيتورينگ اگەنتتىگىنىڭ (قما) رەسمي Telegram-ارناسىندا حابارلانعانداي، تەرگەۋ بارىسىندا نەسيە بەرۋدىڭ 78 ەپيزودى انىقتالعان. نەگىزىنەن قارىز الۋشىلار اقشاعا مۇقتاج بولعان، بانكتەن قارجىلاندىرۋ الا الماعان ازاماتتار بولعان.
نەسيە بەرۋدە ەكى سحەما قولدانىلعان. ءبىرىنشى جاعدايدا نوتاريالدى تۇردە نەسيە شارتى جاسالعان، ءبىراق مامىلەنىڭ ناقتى شارتتارى وندا كورسەتىلمەگەن. كورسەتىلگەن سوماعا قارىز الۋشىعا بەرىلگەن قاراجات تا، نەسيەنى پايدالانعان بارلىق كەزەڭدەگى سىياقى دا كىرگەن. اقشانى قايتارۋدى قامتاماسىز ەتۋ ءۇشىن م ۇلىك كەپىلگە قويىلعان.
ەكىنشى جاعدايدا نەسيە فاكتىسى ساتىپ الۋ-ساتۋ شارتى رەتىندە جاسىرىلعان. م ۇلىك ءۇشىن اقشا ءىس جۇزىندە بەرىلمەگەن، ال م ۇلىكتىڭ ءوزى نەسيەنى قامتاماسىز ەتۋ رەتىندە پايدالانىلعان. اقشا قايتارىلعاننان كەيىن شارت بۇزىلىپ، م ۇلىك يەسىنە قايتارىلعان.
وسىلايشا، ازاماتتىق-قۇقىقتىق مامىلەلەردىڭ اتىمەن جۇيەلى تۇردە سىياقى مەن م ۇلىك كەپىلىمەن اقشا بەرۋ جۇزەگە اسىرىلعان.
زاڭسىز قىزمەت ناتيجەسىندە 774 ملن تەڭگە كولەمىندە قىلمىستىق كىرىس الىنعان، ونىڭ ەسەبىنەن قىمبات اكتيۆتەر ساتىپ الىنعان. سوت ۇكىمىمەن مەملەكەت كىرىسىنە 6 پاتەر، Toyota RAV4 اۆتوكولىگى، Kawasaki KLX250 موتوسيكلى، سونداي-اق قۇنى 280 ملن تەڭگە بولاتىن باعالى قاعازدار تاركىلەندى، دەپ حابارلادى قما.
سوت ۇكىمى زاڭدى كۇشىنە ەنگەن جوق.