قازاقستاندىق رەپەر سكريپتونيت Killa Crossavah اتتى جاڭا سايد-جوباسىن تانىستىرىپ، «The Roof» ترەگىنە كليپ شىعاردى. جاڭا بۇركەنشىك اتپەن ءارتىس ادەتتەگى دىبىستالۋىنان ايتارلىقتاي الىستاپ، رەپ پەن ترەپتە تاجىريبە جاساپ ءجۇر، دەپ حابارلايدى infohub.kz سايتى.
تامىز ايىنىڭ سوڭىندا Killa Crossavah «Medoed Mixtape Vol.1» اتتى دەبيۋتتىك ميكستەيپىن شىعاردى. وندا 15 ترەك بار: كەيبىرەۋلەرى دىبىستالۋى جاعىنان Gruppa Skryptoniteء-تى ەسكە تۇسىرسە، باسقالارى كلاسسيكالىق رەپكە كوبىرەك ۇقسايدى.
«The Roof» كليپى ازىرگە جوبانىڭ telegram-ارناسىندا عانا قولجەتىمدى. بۇعان دەيىن ءدال وسى بۇركەنشىك اتپەن سول ميكستەيپتەگى «Spliff» ترەگىنە بەينەبايان شىققان.
سكريپتونيتتىڭ جانكۇيەرلەرى ونىڭ پوست استىنداعى رەاكسياسىنا قاراعاندا، جاڭا جوبانى جىلى قابىلداپ، ءارتىستىڭ كەزەكتى ەكسپەريمەنتىن باعالادى. ال الەۋمەتتىك جەلىلەردە كليپتىڭ ءۇزىندىسى كەزدەيسوق تاپ بولعان كوپتەگەن قولدانۋشى Killa Crossavah-تىڭ ەرەكشە چيتكاسى مەن دىبىستالۋىن تۇسىنبەدى. كوپشىلىك اۋديتوريا ءۇشىن ترەك تىم بەيتانىس بولىپ شىقتى، سوندىقتان جوبا، شاماسى، جالەلوۆتىڭ شىعارماشىلىعىمەن جاقسى تانىس ءارى ونىڭ ستيلىنە دايىن تىڭدارماندارعا ارنالعان.
سكريپتونيت (شىن ەسىمى ءادىل جالەلوۆ) – پاۆلودار وبلىسىنان شىققان قازاقستاندىق رەپەر جانە مۋزىكالىق پروديۋسەر، Musica36 لەيبلىنىڭ نەگىزىن قالاۋشى. ءارتىس تەك جەكە رەليزدەرىمەن عانا ەمەس، كوپتەگەن مۋزىكالىق جوبالارىمەن دە تانىمال. 2018 جىلى ول شىعارماشىلىعىن سكريپتونيت جانە Gruppa Skryptonite (سوۋل، فانك جانە التەرناتيۆتى حيپ-حوپ) دەپ ەكىگە ءبولدى. ەندى ولارعا Killa Crossavah قوسىلدى.
بۇعان دەيىن Kursiv LifeStyle سكريپتونيتتىڭ الماتى مەن استانادا كونسەرتتەرى بار الەمدىك تۋر جاريالاعانىن جازعان بولاتىن.