سولتۇستىك قازاقستان وبلىسىندا سوت ايەلدىڭ دياگنوزىنا بايلانىستى ايىرىلعان كولىك جۇرگىزۋ قۇقىعىن قالپىنا كەلتىردى، دەپ حابارلايدى infohub.kz سايتى.
سولتۇستىك قازاقستان وبلىسى سوتتارىنىڭ رەسمي Telegram-ارناسىندا حابارلانعانداي، ەسىل اۋداندىق سوتى ايەلدىڭ پوليسيا دەپارتامەنتىنە كولىك جۇرگىزۋ قۇقىعىن قالپىنا كەلتىرۋ تۋرالى تالاپ ارىزى بويىنشا ازاماتتىق ءىستى قارادى. بۇعان دەيىن سوت شەشىمىمەن تالاپكەردىڭ كولىك جۇرگىزۋ قۇقىعى مەديسينالىق قارسى كورسەتكىشتەر بولۋىنا بايلانىستى توقتاتىلعان ەدى.
سوت وتىرىسى بارىسىندا انىقتالعانداي، اتالعان شەشىم شىعارىلعاننان كەيىن تالاپكەر قاجەتتى مەديسينالىق تەكسەرۋدەن ءوتىپ، ساۋىعىپ كەتۋىنە بايلانىستى ديسپانسەرلىك ەسەپتەن شىعارىلعان جانە مەديسينالىق قورىتىندى بويىنشا كولىك جۇرگىزۋگە جىبەرىلگەن.
ق ر «جول ءجۇرىسى تۋرالى» زاڭىنىڭ 75-بابى 2-تارماعىنىڭ 2-تارماقشاسىنا سايكەس، كولىك جۇرگىزۋ قۇقىعى ونى توقتاتۋعا نەگىز بولعان سەبەپ جويىلعان كەزدە سوت شەشىمى بويىنشا قالپىنا كەلتىرىلەدى. كولىك جۇرگىزۋگە كەدەرگى كەلتىرگەن ءمان-جايلاردىڭ جويىلعانىن، جاۋاپكەر مەن ءۇشىنشى تۇلعانىڭ تالاپتى قاناعاتتاندىرۋعا قارسى بولماعانىن ەسكەرە وتىرىپ، سوت تالاپتاردىڭ نەگىزدىلىگى تۋرالى قورىتىندىعا كەلدى.
سوت شەشىمىمەن تالاپ قاناعاتتاندىرىلدى. تالاپكەردىڭ كولىك جۇرگىزۋ قۇقىعى قالپىنا كەلتىرىلدى. شەشىم زاڭدى كۇشىنە ەنگەن جوق.