سولتۇستىك كيپردەگى سۋپەرماركەتتەردىڭ بىرىندە قازاقستان ازاماتشاسىنا پىشاق جاراقاتى كەلتىرىلگەنى تۋرالى اقپارات جەلىدە تارادى. بۇل جاعدايعا قاتىستى رەسپۋبليكا سىرتقى ىستەر مينيسترلىگى تۇسىنىكتەمە بەردى، دەپ حابارلايدى infohub.kz.
«كريمينالنىي كازاحستان» Telegram-ارناسىنىڭ مالىمەتىنشە، 22 جاستاعى قازاقستاندىق ايەل نيكوسيا قالاسىنداعى Metropol Market سۋپەرماركەتىندە پىشاق جاراقاتىن العان. قىزدىڭ جاعدايى وتە اۋىر ەكەنى ايتىلادى.
جاريالانىمدا كيپر-تۇرىك باق-تارى تاراتقان جەرگىلىكتى پوليسيا اقپاراتى دا كەلتىرىلگەن. 3 تامىزدا جەرگىلىكتى ۋاقىت بويىنشا ساعات 11:45 شاماسىندا بەلگىسىز بىرەۋ قىزعا بەلگىسىز سەبەپپەن پىشاقپەن شابۋىل جاساعان. وقيعا سالدارىنان ەكەۋى دە اۋرۋحاناعا جەتكىزىلىپ، دارىگەرلەردىڭ باقىلاۋىندا جاتىر.
NUR.KZ ءتىلشىسى قازاقستان سىرتقى ىستەر مينيسترلىگىنە ساۋال جولدادى. ۆەدومستۆونىڭ ءباسپاسوز قىزمەتىندە: «مينيسترلىك سولتۇستىك كيپردە ازاماتشامىزعا قاتىستى بولعان وقيعا تۋرالى حاباردار. قازىرگى ۋاقىتتا قازاقستاندىق ديپلوماتتار بولعان وقيعانىڭ ءمان-جايىن انىقتاپ، جەرگىلىكتى قۇزىرلى ورگاندارمەن بايلانىستا. رەسمي اقپارات تۇسكەننەن كەيىن قوسىمشا مالىمەت بەرىلەتىن بولادى»، — دەپ مالىمدەدى.
بۇل ماسەلە ق ر ءسىم باقىلاۋىندا.