قازاقستاننىڭ سولتۇستىك وڭىرلەرىندە ۇزاق ىستىقتان كەيىن كەنەتتەن اۋا رايى سۋىتادى. بۇل تۋرالى infohub.kz سايتى حابارلادى.
مۇنىڭ سەبەبى سولتۇستىك-باتىس سيكلون. ول جاڭبىر مەن نايزاعاي، كەي جەرلەردە قاتتى نوسەر، بۇرشاق جانە داۋىلدى جەل اكەلەدى. سولتۇستىك وبلىستاردا كۇندىزگى تەمپەراتۋرا +25…+30°C دەيىن تومەندەيدى.
سونىمەن قاتار، ەلىمىزدىڭ وڭتۇستىك جانە شىعىس وڭىرلەرىندە ىستىق ءارى نەگىزىنەن قۇرعاق اۋا رايى ساقتالادى. بۇل ايماقتارعا وزبەكستاننان جىلى اۋا ماسسالارى كەلۋدە. وڭتۇستىكتە اۋا تەمپەراتۋراسى +40…+45°C، شىعىستا +33…+38°C دەيىن كوتەرىلۋى مۇمكىن.
قالعان اۋماقتاردا اۋا تەمپەراتۋراسىندا ايتارلىقتاي وزگەرىستەر كۇتىلمەيدى.