ۇلىبريتانيادا 15 جاستاعى اپپالۋزا تۇقىمدى ايعىر مايلو كورۋ قابىلەتىن تولىق جوعالتقانىنا قاراماستان، ات سپورتىنان وتكىزىلەتىن جارىستاردا جۇلدەلى ورىنداردى يەلەنۋدى جالعاستىرۋدا. 13 جاسىندا كوز اۋرۋىنا بايلانىستى سوقىر بولىپ قالعان جىلقى، 28 جاستاعى يەسى مەگان شەرمەن ەرەكشە ءادىس ارقىلى ارەناعا قايتا ورالدى، دەپ حابارلايدى infohub.kz.
مايلو كەڭىستىكتە باعدارلاۋ ءۇشىن وتكىرلەنگەن ەستۋ جانە سەزىم مۇشەلەرىن پايدالانادى. شاباندوز ۇنەمى تىزگىنمەن، قولىمەن جانە اياعىمەن نۇكتەلىك قىسىم جاسايدى، ال مايلو تۇياعىمەن جەردىڭ ءدىرىلىن سەزەدى. مەگان بۇل پروسەستى برايل ءشريفتىن وقۋمەن سالىستىرادى: "مەن ونىڭ كوزىنە اينالدىم، ال ول كەڭىستىكتى قابىلداۋ ءۇشىن جاناسۋ مەن قادامداردى قولدانادى".
سوقىرلىعىنا قاراماستان، جىلقى قاتارىنان سەگىزىنشى رەت بەدەلدى ۆيندزور كورولدىك ات شوۋىندا جەڭىسكە جەتتى. جۇپ Horse of the Year Show جانە London International تۋرنيرلەرىنىڭ ىرىكتەۋ كەزەڭدەرىنە قاتىسۋدى جوسپارلاپ، كورەتىن جىلقىلارمەن تەڭ دارەجەدە باسەكەلەسەدى.