«اتاماري» تۇرعىن ءۇي كەشەنىنىڭ 350 ۇلەسكەرى بەس جىلدان استام ۋاقىت بويى پاتەر كىلتىن الا الماي كەلدى. ولار اقشاسىن 2020 جىلى سالعان ەدى، الايدا قۇرىلىس سالۋشى ءوز مىندەتتەمەلەرىن ورىندامادى. ناتيجەسىندە نىسان ۇزاققا سوزىلعان قۇرىلىسقا اينالىپ، ادامدار جىلدار بويى باسپاناسىز جانە ناقتى مەرزىمسىز قالدى. بۇل تۋرالى بۇگىن ەلوردالىق پروكۋراتۋرادا حابارلاندى، دەپ حابارلايدى infohub.kz.
قاداعالاۋ ورگانىنىڭ مالىمەتىنشە، سوزىلعان تاريحقا سوت ارقىلى نۇكتە قويىلدى: اياقتالماعان نىسان جاڭادان قۇرىلعان تۇرعىن ءۇي قۇرىلىس كووپەراتيۆىنە بەرىلدى. وسىدان كەيىن كەشەن تولىق اياقتالىپ، ۇلەسكەرلەر اقىرى پاتەرلەرىن الدى. سونىمەن قاتار، پروكۋرورلاردىڭ ايتۋىنشا، «اتاماري» — مۇنداي جالعىز جاعداي ەمەس.
«اعىمداعى جىلدىڭ باسىنان بەرى سوتتار پروكۋروردىڭ 277 ۇلەسكەردىڭ مۇددەسىنە 3،9 ملرد تەڭگە سوماسىنداعى ءبىر تالاپ ارىزىن قاناعاتتاندىردى. ۇلەستىك قۇرىلىس سالاسىنداعى زاڭدىلىقتى قامتاماسىز ەتۋ جۇمىستارى پروكۋراتۋرا ورگاندارىنىڭ تۇراقتى باقىلاۋىندا. ەلوردالىق پروكۋراتۋرا ازاماتتاردى سالىنىپ جاتقان تۇرعىن ءۇي كەشەنىنەن پاتەر ساتىپ الار الدىندا homeportal.kz سايتىندا ءتيىستى رۇقساتتىڭ بار-جوعىن تەكسەرۋگە شاقىرادى»، — دەپ اتاپ ءوتتى استانا قالاسى پروكۋرورىنىڭ كومەكشىسى دينارا تۇكەەۆا.