سويلەم مۇشەلەرى

سويلەم مۇشەلەرى – سويلەم قۇراۋعا قاتىسقان تولىق ماعىنالى، بەلگىلى ءبىر سۇراققا جاۋاپ بەرەتىن جانە سويلەمدەگى باسقا سوزدەرمەن بايلانىسىپ تۇراتىن سوزدەر.

سويلەم مۇشەلەرى
تۇرلاۋلى مۇشەلەر - سويلەم قۇراۋعا نەگىز بولادى.
تۇرلاۋسىز مۇشەلەر - وزدىگىنەن سويلەم قۇراي المايتىن، تەك سويلەمدەگى ويدى تولىقتىرىپ تۇراتىن مۇشەلەر.

● تۇرلاۋلى مۇشەلەر
باستاۋىش - سويلەمدە ايتىلعان ويدىڭ يەسى بولاتىن مۇشە.
كىم؟ نە؟ كىمدەر؟ نەلەر؟
كىمى؟ نەسى؟ كىمىم؟ نەم؟
كىمىڭىز؟ نەڭىز؟ كىمىمىز؟
نەمىز؟ كىمدەرىڭ؟ نەلەرىڭ؟
كىمدەرىڭىز؟ نەلەرىڭىز؟

مىسالى: جازدا كۇن وتە ىستىق بولدى.
دوستارىم وسى جارىستا جەڭىپ شىقتى.
ۇشەۋى سىرتقا شىقتى.
كەنشىلەر سارايى ادامعا لىق تولى.

بايانداۋىش - سويلەمدى تياناقتاپ تۇراتىن مۇشە.
قاي ءسوز تابىنان بولسا، سول ءسوز تابىنىڭ سۇراعىنا جاۋاپ بەرەدى.
مىسالى:
ءبىز تاۋعا شىقتىق.
ونىڭ ويى ۇيگە ەرتەرەك جەتۋ ەدى.
ونىڭ العانى – كىتاپ.
كۇن ىستىق.
ونىڭ ءتۇسى قارا تورى.
اۋىل مادەنيەتى ءوسىپ كەلەدى.

● تۇرلاۋسىز مۇشەلەر
انىقتاۋىش - سويلەمدە باسقا مۇشەلەردىڭ سىن - سيپاتىن انىقتاپ تۇراتىن مۇشە.
قانداي؟ قاي؟ كىمنىڭ؟ نەنىڭ؟ نەشە؟ نەشىنشى؟ قانشا؟ قايداعى؟ قاشانعى؟

تولىقتاۋىش – سويلەمدەگى ويدى تولىقتىرىپ تۇراتىن مۇشە.
كىمدى؟ نەنى؟ كىمگە؟ نەگە؟ كىمدە؟ نەدە؟ كىمنەن؟ نەدەن؟ كىممەن؟ نەمەن؟

پىسىقتاۋىش – سويلەمدە ءىس - قيمىلدىڭ ءتۇرلى بەلگىسىن (مەكەنىن، مەزگىلىن، ت. ب.) انىقتايتىن مۇشە.
قايدا؟ قايدان؟ قالاي قاراي؟ قاشان؟ قاشاننان بەرى؟ قالاي؟ قالايشا؟ ءقايتىپ؟ نەلىكتەن؟ نە ءۇشىن؟ نەگە؟ نە ماقساتپەن؟ قانشالىقتى؟
سويلەم مۇشەلەرى جۇكتەۋ