سويلەمنىڭ دارا جانە كۇردەلى مۇشەلەرى

قازاق ءتىلى 4 سىنىپ
تاقىرىپ: سويلەمنىڭ دارا جانە كۇردەلى مۇشەلەرى
ساباقتىڭ ماقساتى:
وقۋشىلاردىڭ سويلەم، سويلەم مۇشەلەرى، ولاردىڭ دارا جانە كۇردەلى تۇرلەرى تۋرالى بىلىمدەرىن نىعايتا وتىرىپ، ولاردى سويلەم ىشىنەن دارا جانە كۇردەلى سويلەم مۇشەلەرىن تابۋ ارقىلى سۇراق قويۋعا ۇيرەتۋ.
سويلەم مۇشەلەرىن اجىراتا ءبىلۋىن، سويلەمنىڭ ءمانىن تەرەڭ ۇعىپ، ماعىناسىن اشا بىلۋگە ۇيرەتۋ، وقۋشىلاردىڭ ويلاۋ قابىلەتىن، ءتىلىن دامىتۋ. ادەمى جازۋعا، مانەرلى سويلەۋگە تاربيەلەۋ.
ساباقتىڭ كورنەكىلىگى: سۋرەتتەر، ماقال - ماتەلدەر،، تىرەك - سىزبا، سلايد
ساباقتىڭ ءادىسى: سۇراق - جاۋاپ، تىرەك - سىزبا
ساباقتىڭ ءتۇرى: جاڭا ساباق
ءپانارالىق بايلانىس: انا ءتىلى، دۇنيەتانۋ، ءان - كۇي،
كۇتىلەتىن ناتيجە: سويلەم، سويلەمنىڭ دارا جانە كۇردەلى مۇشەلەرى تۋرالى تۇسىنىكتەرىن بايىتادى، وقۋ – جازۋ داعدىلارى قالىپتاسادى، وقۋعا دەگەن قۇشتارلىقتارى ارتادى.

ساباقتىڭ بارىسى:
ۇيىمداستىرۋ امانداسۋ.
پسيحولوگيالىق دايىندىق
اسپانىمىز اشىق بولسىن
ءتۇنىمىز تىنىش بولسىن
اۋامىز تازا بولسىن
سۋىمىز ءمولدىر بولسىن
امان ساۋ بولايىق
وتكەندى ەسكە ءتۇسىرۋ. ميعا شابۋىل
- « ءبىز نە بىلەمىز؟»
- سويلەم دەگەن نە؟
- سويلەمنىڭ قانداي تۇرلەرىن بىلەسىڭدەر؟
- سويلەم مۇشەلەرىن اتاڭدار؟

ءىى. ءۇي تاپسىرماسىن تەكسەرۋ

ءىىى. جاڭا ساباق
كىرىسپە
- مىنا سويلەمدەردى وقىڭدار. سويلەم مۇشەلەرىن تاۋىپ، سالىستىرىڭدار
مىسالى: اۋلا تازارتىلدى. اۋلا ءىشى تازارتىلدى. اسەل ۇيگە كىردى. اسەل ۇيگە كىرىپ كەلدى.
سلايد ارقىلى سويلەمنىڭ دارا جانە كۇردەلى مۇشەلەرىنە ەرەجە شىعارادى
سويلەم مۇشەسى دارا سوزدەن دە، كۇردەلى سوزدەن دە جاسالادى. جەكە ( نەمەسە ءبىر ) سوزدەن جاسالعان سويلەم مۇشەسى سويلەمنىڭ دارا مۇشەسى دەپ اتالادى. ەكى نەمەسە بىرنەشە سوزدەن جاسالعان سويلەم مۇشەسى سويلەمنىڭ كۇردەلى مۇشەسى دەپ اتالادى.
1. 2 – جاتتىعۋ. ءماتىندى كوشىرىپ جازۋ. سويلەمدەردەگى كۇردەلى مۇشەلەردى تاۋىپ، استىن سىزۋ.
ءبىرىنشى رەت، ءبىر ۇلكەن، ارعى جاعىنان، بەرگى تۇستان، كورگىم كەلدى
2. 3 – جاتتىعۋ. قارامەن جازىلعان سوزدەر سويلەمنىڭ قانداي مۇشەسى ەكەنىن تابۋ.
ەرتىس سۋىن ( تۇرلاۋسىز مۇشە )، بەس ءجۇز( تۇرلاۋسىز مۇشە )، بەس ساۋساقتاي ( تۇرلاۋسىز مۇشە)
3. 5 – جاتتىعۋ. جۇمباقتاردى وقىپ، شەشۋىن تابۋ.
تىگىپ الىپ كوك شاتىر،
قىزىل كۇرەڭ دوپ جاتىر. ( قىزىلشا )
قارا الا تونى بار،
اڭداردىڭ ول ۇزىنى،
ونى سەن دە تانىپ ال. ( كەرىك )
4. قورىتىندى
5. باعالاۋ
6. ۇيگە تاپسىرما: 4 – جاتتىعۋ