سويلەۋ جانە ءتىل نە ءۇشىن قاجەت؟

ساباقتىڭ تاقىرىبى: سويلەۋ جانە ءتىل نە ءۇشىن قاجەت؟
ساباقتىڭ ماقساتى: 1. وقۋشىلاردا سويلەۋ تۋرالى ۇعىم قالىپتاستىرا
وتىرىپ، سويلەۋ ءتىلىن دامىتۋ.
2. وقۋ داعدىسىن جەتىلدىرۋ بارىسىندا ادەپتىلىككە،
ۇيىمشىلدىققا تاربيەلەۋ.
3. ءتۇسىنىپ قاتەسىز وقۋ، سويلەۋ ءتىلىن دامىتۋ.
كورنەكىلىگى: جەكە سيۋجەتتى سۋرەتتەر، تىرەك سىزبا.
ساباقتىڭ بارىسى: 1. باعدارلاۋ - موتيۆاسيالىق كەزەڭ.
ءسوزجۇمباق شەشۋ ارقىلى «سويلەۋ» الەمىنە ساياحاتقا شىعاتىندارىن حابارلايمىن.
1. جىلت - جىلت ەتكەن، جىلعادان وتكەن. (سۋ)
2. ءتاتتى، ءتاتتىنىڭ ءىشى قاتتى، قاتتىنىڭ ءىشى ءتاتتى. (ورىك)
3. كىشكەنتاي عانا بويى بار، اينالدىرىپ كيگەن تونى بار. (قوي)
4. پ - دان ەگەر باستاساڭ،
زووپاركتە تۇرا الام.
ت - دان ەگەر باستاساڭ،
ويىڭدى سىرتقا شىعارام (ءپىل - ءتىل)
5. شىر - شىر ەتەدى،
ۇستاي الساڭ سويلەپ كەتەدى. (تەلەفون)
6. اۋلادا بار ەلدە جوق،
داۋىلدا بار، جەلدە جوق. (ۋ ءارپى)
س
ءو
ي
ل
ە
ۋ
سويلەۋ نە ءۇشىن قاجەت؟
سويلەۋ نە ارقىلى جۇزەگە اسادى؟
سويلەۋ
اۋىزەكى سويلەۋ ----------------------------------جازباشا سويلەۋ
ءۇن ارقىلى بەرىلەتىن سويلەۋ ----------------جازىلىپ بەرىلەتىن حابار

فونەتيكا الەمى
دىبىس ءارىپ
داۋىستى داۋىسسىز
ءىى. وپەراسيونالدىق - ورىنداۋشىلىق كەزەڭ.
1 - جاتتىعۋ. ماتىنمەن جۇمىس:
ا) ءمۇعالىمنىڭ ءماتىندى وقۋى
ءا) وقۋشىلارعا ءماتىندى كەزەكتەستىرىپ وقىتۋ.
ب) ءماتىننىڭ مازمۇنى تالدانادى.
1. ماتىندە كىم جايلى ايتىلعان؟
2. اپاسى نە سەبەپتى ۇسەنگە ۇندەمەدى؟
3. ۇسەن نەلىكتەن كورىنبەيتىن بالا بولعىسى كەلمەدى؟
4. ۇسەن ادەپتى بالانىڭ قاتارىنا قوسىلدى ما؟

«تىكۇشاق» ءسوزىن دىبىسقا تالداۋ
سوزدىك جۇمىسى
لەزدە - تەز ارادا، جىلدام.
رەبۋس شەشۋ: «باۋىرساق»
2 - جاتتىعۋ ورىندالادى.
ءبىلىمدى تياناقتاۋ (وقۋلىقتان تىس تاپسىرمالار)
1. سيۋجەتتى سۋرەتكە قاراپ، اڭگىمە قۇراستىرۋ.
2. وزدىك ديكتانت (جاقشاداعى سوزدەردى سويلەم ماعىناسىنا قاراي وزگەرتىپ جازۋ)
ايدوس پەن دارحان (تەلەفون) ۇزاق سويلەستى.
اتاسى (نەمەرە) ەرتەگى ايتىپ بەردى.

ءىىى. رەفلەكسيالىق - باعالاۋ كەزەڭى.
- ەرتەدە ءبىر قاڭباق شال ەلسىز دالادا كەلە جاتىپ، اسپان الەمىنە جەلمەن ۇشىپ كەتىپتى. ول اسپان الەمىن ارالاپ ءجۇرىپ ءبىر كىشكەنە پلانەتاعا كەزىگەدى. قاڭباق شال ول پلانەتانىڭ اتىن (نە ارقىلى سۇرايدى) قالاي بىلەدى؟
بالالار ول پلانەتانىڭ اتىن ونىمەن سويلەسۋ ارقىلى بىلەتىنىن ايتادى.
- ول مەركۋري پلانەتاسى ەكەن. مەركۋري پلانەتاسى قاڭباق شالدى باسقا دا پلانەتالارمەن تانىستىرادى.

قورىتىندىلاۋ.
- سونىمەن، بالالار، سويلەۋ نە ءۇشىن قاجەت ەكەن؟
- سويلەۋ نە ارقىلى جۇزەگە اسادى؟
باعالاۋ.
ۇيگە تاپسىرما بەرۋ.