قازاقستان دالاسىندا، جەزقازعان اۋدانىندا، «سويۋز مس-28» عارىش كەمەسىنىڭ ءتۇسىرۋ اپپاراتى ءۇش ەكيپاج مۇشەسىمەن – روسكوسموس عارىشكەرلەرى سەرگەي كۋد-سۆەرچكوۆ، سەرگەي ميكايەۆ جانە NASA استروناۆتى كريستوفەر ۋيليامسپەن ءساتتى جەرگە قوندى، دەپ حابارلايدى infohub.kz.
جەرگە قايتۋ الدىندا ەكيپاج حعس-تىڭ رەسەيلىك سەگمەنتى كومانديرىن اۋىستىرۋدىڭ ءداستۇرلى ءراسىمىن وتكىزدى. سەرگەي كۋد-سۆەرچكوۆ ستانسيا باسقارۋىن عارىشكەر پەتر دۋبروۆقا تاپسىردى. ءداستۇر بويىنشا جاڭا كومانديرگە ستانسيانىڭ سيمۆولدىق كىلتى تابىستالدى، ال ءراسىم كەمە قوڭىراۋىنىڭ سوعىلۋىمەن اياقتالدى.
وسىدان كەيىن قايتۋعا دايىندىق باستالدى. «سويۋز مس-28» كەمەسى حعس-تاعى رەسەيلىك «راسسۆەت» مودۋلىنەن اجىراپ، جەرگە بەت الدى. روسكوسموس: «ماسكەۋ ۋاقىتىمەن 10:03-تە عارىش كەمەسى حعس-74 ەكيپاجىمەن بىرگە حعس-تىڭ رەسەيلىك سەگمەنتىندەگى „راسسۆەت“ مودۋلىنەن اجىرادى»، – دەپ حابارلادى.
اتموسفەراعا ەنگەننەن كەيىن ءتۇسىرۋ اپپاراتى جەزقازعان اۋدانىنا قوندى. قونۋ قالىپتى رەجيمدە ءوتتى، ەكيپاجدى ىزدەۋ-قۇتقارۋ قىزمەتتەرى كۇتىپ الدى.
قازاقستان الەمدىك عارىشكەرلىكتەگى باستى ورىنداردىڭ ءبىرى بولىپ قالا بەرەدى: بايقوڭىر عارىش ايلاعىنان ونداعان جىلدار بويى حالىقارالىق عارىش ستانسياسىنا ەكيپاجدار ۇشىرىلادى.