وڭتۇستىك كورەيانىڭ جەرسەرىگى SpaceX زىمىرانىنىڭ ايعا سوعىلۋىنان پايدا بولعان جاڭا كراتەردىڭ العاشقى سۋرەتتەرىن ءتۇسىردى. بۇل تۋرالى infohub.kz سايتى حابارلايدى.
كورەيا اەروعارىش زەرتتەۋ ينستيتۋتىنىڭ Danuri اپپاراتى سارسەنبىدە Falcon 9 زىمىرانىنىڭ جوعارعى ساتىسى ايعا كەزدەيسوق سوعىلعان سوڭ، سوققى ورنىنىڭ ۇستىنەن بىرنەشە رەت ۇشىپ ءوتىپ، سۋرەتتەرگە ءتۇسىردى. كوسموستىق اگەنتتىك بەيسەنبىدە جاريالاعان سۋرەتتەردە زىمىران سوققان جەردىڭ اينالاسى قاراۋىتىپ، كراتەر پايدا بولعانى جانە شاڭ-توپىراقتىڭ شاشىراعانى كورىنەدى.
كورەيالىق عارىش ماماندارى Danuri سوققىعا دەيىنگى جانە كەيىنگى سۋرەتتەردى جيناعانىن حابارلادى. NASA-نىڭ Lunar Reconnaissance Orbiter اپپاراتى كەلەسى اپتادا سوققى ورنىنىڭ ۇستىنەن ۇشىپ ءوتىپ، جاعدايدى باقىلايدى دەپ كۇتىلۋدە.
يلون ماسكتىڭ SpaceX كومپانياسى Danuriء-دى 2022 جىلى كاناۆەرال مۇيىسىنەن ۇشىرعان بولاتىن. سول جىلى كومپانيا ايعا ەكى جەكە مەنشىك قونۋ اپپاراتىن دا جىبەردى. وسى اپتادا ايعا سوعىلعان زىمىراننىڭ جوعارعى ساتىسى ءدال سول ۇشىرۋ كەزىندەگى بولدى. ول ساعاتىنا 8700 شاقىرىم جىلدامدىقپەن ايعا سوعىلدى. SpaceXء-تىڭ مالىمەتىنشە، اپپارات كۇن بەلسەندىلىگى مەن گراۆيتاسيانىڭ اسەرىنەن كەزدەيسوق سوقتىعىسۋ تراەكتورياسىنا تۇسكەن.