قىركۇيەك ايىنىڭ سوڭىنا قاراي قازاقستاننىڭ 50 باعىتى بويىنشا جۇرەتىن 124 جولاۋشىلار پويىزىندا سپۋتنيكتىك ينتەرنەت قولجەتىمدى بولادى، دەپ حابارلايدى infohub.kz سايتى.
«قازاقستان تەمىر جولى» ۇلتتىق كومپانياسى پويىزداردى سپۋتنيكتىك بايلانىسپەن جابدىقتاۋ جوباسىن كەڭەيتۋدى جالعاستىرۋدا. 2025 جىلى تەحنولوگيا بىرنەشە باعىتتا سىناقتان ءوتتى، ال 2026 جىلدىڭ شىلدەسىنەن باستاپ اۋقىمدى ەنگىزۋ باستالدى. 8 قىركۇيەكتەگى جاعداي بويىنشا Starlink جۇيەسى 31 باعىتتاعى 59 پويىزدا جۇمىس ىستەپ تۇر، بۇل 770-تەن استام ۆاگوندى قامتيدى.
«پويىزداردا ينتەرنەتتىڭ ەنگىزىلۋى — جولاۋشىلار تاسىمالىنىڭ ساپاسى مەن جايلىلىعىن ارتتىرۋداعى ماڭىزدى قادام»، — دەپ اتاپ ءوتتى «پاسساجيرسكيە پەرەۆوزكي» اق باسقارما ءتوراعاسى انۋار احمەتجانوۆ.
قولجەتىمدىلىك جىلدامدىعى 100 مبيت/س جەتۋى مۇمكىن. ينتەرنەت جەرۇستى جەلىلەرىنىڭ قامتۋى شەكتەۋلى تەمىرجولدىڭ شالعاي ۋچاسكەلەرىندە دە جۇمىس ىستەيتىن بولادى. جولاۋشىلارعا WhatsApp جانە Telegram مەسسەندجەرلەرىندە ماتىندىك حابار الماسۋ ءۇشىن تەگىن بازالىق پاكەت ۇسىنىلادى. «ينتەرنەت-قىزمەتتەردىڭ كەڭ اۋقىمىن جانە ۇلكەن كولەمدەگى ترافيكتى پايدالانۋ ءۇشىن قوسىمشا تاريفتىك پاكەتتەر ۇسىنۋ جوسپارلانۋدا»، — دەپ قوستى كومپانيادا.