Стамбулда 26 жастағы Қазақстан азаматы ерекше жағдайда қаза тапты: түрік БАҚ-ының дерегінше, ол алтыншы қабаттағы балконнан көрші үйдің шатырына өтуге әрекеттенген. Трагедия және республиканың сыртқы саяси ведомствосының реакциясы туралы infohub.kz сайты хабарлайды.
Түрік басылымы Haberler жазғандай, оқиға Стамбулдың Шишли ауданында болған. Жарияланымда былай делінген: «Тұрған ғимараттың 6-қабатындағы балконнан көрші үйдің шатырына өтпек болған 26 жастағы Қазақстан азаматы А. Б., болжам бойынша, ғимараттар арасындағы саңылауда орналасқан қалқаға басып, -2-қабат деңгейіне құлаған. Оқиға орнында көз жұмған әйелдің Түркияға қыркүйекте туристік визамен келгені анықталды».
Оқиға туралы хабар түскен соң оқиға орнына полиция қызметкерлері мен медициналық бригадалар келді. Дәрігерлер қыздың қаза тапқанын растады, оның денесі Сот-медициналық сараптама институтының мorgына жеткізілді.
Басылымның мәліметінше, қаза тапқан қыз Ресей азаматымен бірге келіп, сол адаммен тұрған. Полицияның оқиға мән-жайын тергеуі жалғасуда.
NUR.KZ тілшісі Қазақстан Сыртқы істер министрлігінің баспасөз қызметіне сұрау жіберді. Онда Стамбулда Қазақстан азаматының қаза тапқаны туралы хабардар екендерін растады.
«Қазақстандық дипломаттар қаза тапқан адамның туыстарымен байланыста болып, оларға консулдық-құқықтық көмек көрсетуде. Түркияның құзырлы органдары тергеу жүргізіп, мән-жайды анықтауда. Мәселе ҚР СІМ-нің бақылауында», — деп жауап берді сыртқы саяси ведомствода.