SpaceX كومپانياسى جاڭا بۋىن ستارلينك V5 سپۋتنيكتىك تەرمينالىن تانىستىردى. ينتەرنەت جىلدامدىعى 375 مبيت/س-تان اسادى، ال قۇرىلعىنىڭ ءوزى جەڭىل ءارى ىقشام بولعان، دەپ حابارلايدى infohub.kz.
كومپانيانىڭ مالىمەتىنشە، جاڭا تەرمينال الدىڭعى ستارلينك V4-تەن 35% ىقشام. انتەننانىڭ سالماعى 1،1 كگ-عا دەيىن ازايىپ، تاسىمالداۋ مەن ورناتۋدى جەڭىلدەتكەن، اسىرەسە شالعاي ايماقتاردا.
ەنەرگيا تۇتىنۋ ايتارلىقتاي تومەندەگەن: ستارلينك V5 ورتا ەسەپپەن 35–50 ۆت جۇمسايدى – بۇل الدىڭعى ۇلگىدەن 50% دەرلىك از.
تەرمينال 110 گرادۋس شولۋ بۇرىشىن، IP67 كورپۋس قورعانىسىن جانە قاردى ەرىتۋگە ارنالعان انتەننانى جىلىتۋ فۋنكسياسىن ساقتاپ قالعان.
SpaceX سونىمەن قاتار اۋا رايىنا توزىمدىلىكتى ارتتىرعان: ستارلينك V4 ساعاتىنا 97 كم-گە دەيىنگى جەلگە ەسەپتەلسە، جاڭا ۇلگى 265 كم/ساع دەيىنگى ەكپىندى جەلدە جۇمىس ىستەيدى.
جيناققا جاڭارتىلعان Router Mini مارشرۋتيزاتورى كىرەدى: Wi‑Fi 6، ەكى گيگابيتتىك Ethernet پورتى جانە ءبىر ۋاقىتتا 235 قۇرىلعىعا دەيىن قىزمەت كورسەتە الادى. ول قولدانىستاعى ستارلينك Mesh-جەلىلەر ەكوجۇيەسىمەن ۇيلەسىمدى.
جاڭا ءونىمنىڭ باعاسى مەن جاپپاي ساتىلىمعا شىعۋ مەرزىمى ازىرگە جاريالانبادى.
ايتا كەتەيىك، ستارلينك سپۋتنيكتىك ينتەرنەتى قتج پويىزدارىندا جاز سوڭىنا دەيىن پايدا بولادى.