SpaceX كومپانياسىنىڭ Starship عارىش كەمەسى تاريحىندا العاش رەت وربيتالىق ۇشۋ جاسادى: كەمەنىڭ 14ء-شى ۇشىرىلىمى جەر وربيتاسىنا 26 Starlink V3 سپۋتنيگىن شىعاردى، دەپ حابارلايدى infohub.kz سايتى.
ايتا كەتسەك، بۇعان دەيىن Starship-تىڭ بارلىق سىناقتارى سۋبوربيتالىق تراەكتوريالار بويىنشا وتكەن — مۇنداي ۇشۋ ءپروفيلى قاۋىپسىزدىك تالاپتارىن ەسكەرە وتىرىپ سىناق جۇرگىزۋگە مۇمكىندىك بەرگەن. قازىرگى ميسسيا كەمەنىڭ ءدال وربيتاعا شىعۋى ءتيىس العاشقى ۇشۋى بولدى.
SpaceX كومپانياسىندا وربيتاعا شىعۋ تولىق جانە جىلدام قايتا پايدالانىلاتىن جۇيەنى ازىرلەۋدىڭ كەلەسى كەزەڭىن اشاتىنىن مالىمدەدى.
«الداعى ۇشۋ — Starlink V3 سپۋتنيكتەرىن وربيتاعا شىعارۋدى جوسپارلاعان العاشقى ۇشۋىمىز. ولاردىڭ ۇشىرىلۋى الەم بويىنشا بايلانىس جىلدامدىعى مەن سەنىمدىلىگىن ايتارلىقتاي ارتتىرادى»، — دەلىنگەن كومپانيا جاريالانىمىندا.
كومپانيا دەرەكتەرىنە سايكەس، Starship جەردەن شامامەن 275 كم بيىكتىككە كوتەرىلىپ، التى شاقتى اينالىم جاساۋى ءتيىس. ۇشۋ ۇزاقتىعى شامامەن 10 ساعاتتى قۇرايدى، سودان كەيىن كەمەنى وربيتادان شىعارىپ، ءچيليدىڭ باتىسىنداعى تىنىق مۇحيتىنا قوندىرۋ جوسپارلانۋدا.
«Starship-تىڭ جوعارعى ساتىسى العاش رەت وربيتاعا شىعۋ مانەۆرىن ورىنداپ، 26 سپۋتنيكتى شىعارىپ، عارىشتا ءبىر Raptor قوزعالتقىشىمەن تەجەۋ ءيمپۋلسىن جاساپ، سودان كەيىن باسقارىلاتىن قايتۋ مەن تىنىق مۇحيتىنا قونۋىن جۇزەگە اسىرۋى كەرەك»، — دەپ قوستى كومپانيا.