ساباقتىڭ تاقىرىبى: ستاتيستيكالىق توپتاستىرۋ
ساباقتىڭ ماقساتى:
بىلىمدىلىك: ستۋدەنتتەردىڭ ستاتيستيكالىق پانىنە دەگەن قىزىعۋشىلىعىن ارتتىرۋ جانە تولىقتاي ماعلۇمات بەرۋ.
تاربيەلىك: ستۋدەنتتەردى جىلدامدىققا، ءوز ويىن جەتكىزە بىلۋگە، جان-جاقتى بولۋعا، پانگە دەگەن قىزىعۋشىلىعىن ارتتىرۋ، ءوز بەتىمەن جۇمىس ىستەۋگە تاربيەلەۋ.
دامىتۋشىلىق: ستۋدەنتتەردىڭ ويلاۋ قابلەتى مەن داعدىسىن دامىتۋ: تاقىرىپقا بايلانىستى ءوز بەتىمەن ىزدەنۋ ارقىلى لوگيكالىق ويلاۋ قابلەتىن دامىتۋ
ساباقتىڭ ءتيپى: مەڭگەرگەن ءبىلىمدى بەكىتۋ، ىسكەرلىك پەن داعدىنى قالىپتاستىرۋ
ساباقتىڭ ءادىسى: سالىستىرۋ، تۇسىندىرمەلى بايانداۋ، سۇراق - جاۋاپ، ينسەرت ءادىسى
ساباقتىڭ ءتۇرى: ارالاس ساباق
تەحنيكالىق وقىتۋ قۇرالدارى جانە كورنەكىلىكتەر: پرەزەنتاسيالار، مۋلتيمەديالىق پروەكت، كومپيۋتەر.
ءپانارالىق بايلانىس: ەكونوميكا نەگىزدەرى، بۋحگالتەرلىك ەسەپ نەگىزدەرى، ميكروەكونوميكا.

ساباقتىڭ بارىسى
1. ۇيىمداستىرۋ كەزەڭى: ستۋدەنتتەرمەن امانداسۋ، ستۋدەنتتەردى تەكسەرۋ،
اۋديتوريانىڭ تازالىعىن باقىلاۋ. ستۋدەنتتەردىڭ ىنتاسىن ساباققا اۋدارۋ.
ساباقتىڭ ماقساتىمەن تانىستىرۋ. ستۋدەنتتەردى ءۇش توپقا ءبولۋ

2. ءۇي تاپسىرماسىن بەكىتۋ: سۇراق - جاۋاپ.
1. وپەراتيۆتى جەدەل نەمەسە وپەراتيۆتى - تەحنيكالىق ەسەپ.
2. ستاتيستيكانىڭ ساندىق جاعى دەگەنىمىز نە؟
3. ستاتيستيكالىق باقىلاۋ.
4. ستاتيستيكالىق كورسەتكىشتەردى تالداۋ.
5. ستاتيستيكالىق ەسەپ.
6. ستاتيستيكا دەگەنىمىز نە؟
7. بۋحگالتەرلىك ەسەپ
8. ستاتيستيكالىق جيىنتىق بىرلىگى
9. ستاتيستيكالىق باقىلاۋ وبەكتىسى
10. ستاتيستيكانىڭ جيىنتىق بىرلىگى

3. جاڭا تاقىرىپ:
قىسقاشا مالىمەت
ستاتيستيكالىق باقىلاۋدىڭ ناتيجەسىندە جينالعان ءاربىر بىرلىك جيىنتىعى تەكسەرۋدەن وتكەرىلىپ، تۇزەتۋلەر ەنگىزىلگەننەن كەيىن، عىلىمي جۇيەدە قورىتىندى جاساۋ ءۇشىن سول الىنعان مالىمەتتەردى وزدەرىنە ءتان بەلگىلەرىنە قاراي ءبىر جۇيەگە كەلتىرۋ كەرەك. ستاتيستيكالىق مالىمەتتەردى جيناقتاۋ - ستاتيستيكالىق زەرتتەۋدىڭ ەكىنشى ساتىسى بولىپ ەسەپتەلەدى. ستاتيستيكالىق باقىلاۋدىڭ ناتيجەسىندە جينالعان باستاپقى مالىمەتتەردى قورىتىندىلاۋدىڭ نەگىزگى ءتاسىلى توپتاۋ ءادىسى بولىپ تابىلادى.
ستاتيستيكالىق توپتاۋ ءادىسى دەپ، قوعامدىق قۇبىلىستار مەن پروسەستەردى وزدەرىنە ءتان بەلگىلەرىنە، ءوزارا ۇقساستىعىنا نەمەسە اسا ماڭىزدى وزگەشەلىكتەرىنە، تۇرلەرىنە، ۇلگىلەرىنە (تيپتەرىنە) سايكەس ءبىر - بىرىنەن اجىراتۋعا بولاتىن توپتار مەن ىشكى توپتارعا ءبولۋدى ايتادى.
ولاردىڭ ءارقايسىسى ستاتيستيكالىق ساندىق كورسەتكىشتەرمەن سيپاتتالادى.
سوندىقتان، توپتاۋ ستاتيستيكالىق زەرتتەۋدىڭ اسا ماڭىزدى كەزەڭى بولىپ سانالادى جانە ول ساتىلى جۇرگىزىلەدى. توپتاۋ ءادىسىنىڭ الدىنا قويعان ءوز ماقساتى مەن ءمانى بار. ونىڭ باستى ماقساتى - جينالعان مالىمەتتەرگە تالداۋ جاساۋ ءۇشىن رەتكە كەلتىرىپ، ىقشامداۋ، وزگەرمەلى بەلگىلەرىنە قاراي ىرىكتەۋ، جيىنتىق بىرلىكتەرىن قانشا توپقا ءبولۋ كەرەك ەكەندىگىن انىقتاۋ جانە كورسەتكىشتەر جۇيەسىن بەلگىلەۋ.
توپتاۋ ستاتيستيكالىق تالداۋدىڭ العاشقى ساتىسى رەتىندە زەرتتەۋ جۇمىسىن ءار ءتۇرلى باعىتتا جۇرگىزۋگە كومەكتەسەدى. وسى ءادىس ارقىلى مىنا ماسەلەلەر شەشىلەدى:
1. جالپى جيىنتىقتى بىرتەكتەس ساپالى بولىكتەرگە، ياعني الەۋمەتتىك - ەكونوميكالىق تۇرلەرىنە (تيپتەرىنە) قاراي ءبولۋ؛
2. قوعامدىق قۇبىلىستار مەن پروسەستەردىڭ قۇرامىن جانە ونىڭ ىشكى قۇرامداس بولىكتەرىنىڭ وزگەرۋىن زەرتتەۋ؛
3. قوعامدىق قۇبىلىستار مەن پروسەستەر اراسىنداعى ءوزارا بايلانىس پەن قاتىناستى بەلگىلەرىنە قاراي انىقتاۋ.

اتىراۋ مۇناي جانە گاز تەحنولوگيالىق كوللەدجى» كمقك
ارناۋلى ءپان وقىتۋشىسى س.كۋشەرباەۆا

ستاتيستيكالىق توپتاستىرۋ. جۇكتەۋ