ستەپنوگورسكىدە پوليسيا قىزمەتكەرلەرى مەملەكەتتىك تىركەۋ نومىرلىك بەلگىلەرىنسىز جۇرگەن موتوسيكلدى توقتاتىپ، تەكسەرۋ بارىسىندا تاعى ەكى زاڭبۇزۋشىلىقتى انىقتادى — كولىكتى ماس كۇيىندە باسقارۋ جانە جۇرگىزۋشى كۋالىگىنىڭ جوقتىعى، دەپ حابارلايدى infohub.kz سايتى.
اقمولا وبلىسى پوليسيا دەپارتامەنتىنىڭ مالىمەتىنشە، ماس كۇيىندەگى موتوسيكلشى ستەپنوگورسكىدە ۇستالدى.
«كەزەكتى دەرەكتى اقمولا وبلىسى پد رپپ ەكىنشى ۆزۆودىنىڭ قىزمەتكەرلەرى ستەپنوگورسك قالاسىندا انىقتادى. تۇندە پاترۋلدىك پوليسەيلەر نوۆوسيبيرسك كوشەسىندە مەملەكەتتىك تىركەۋ نومىرلىك بەلگىلەرىنسىز جۇرگەن Vento Riva-II CX ماركالى موتوسيكلدى بايقادى. قۇجاتتاردى تەكسەرۋ كەزىندە پوليسيا قىزمەتكەرلەرى جۇرگىزۋشىدەن الكوگول ءيىسىن سەزدى. ەر ادامعا مەديسينالىق كۋالاندىرۋ ۇسىنىلدى، ول ماس كۇيىن راستادى. سونىمەن قاتار ونىڭ كولىك باسقارۋ قۇقىعى بولماعان»، — دەلىنگەن حابارلامادا.
جۇرگىزۋشى قالا ارقىلى شەتىندە ورنالاسقان ۇيىنە قاراي كەلە جاتقانى انىقتالدى.
جۇرگىزۋشىگە قاتىستى اكىمشىلىك حاتتامالار تولتىرىلدى. سونىمەن قاتار ول كولىكتى مەملەكەتتىك تىركەۋ نومىرلىك بەلگىلەرىنسىز باسقارعانى ءۇشىن جاۋاپكەرشىلىككە تارتىلدى.
ءىس بويىنشا زاڭدا كوزدەلگەن شارالار قولدانىلدى.
جىل باسىنان بەرى اقمولا وبلىسى اۋماعىندا پوليسيا قىزمەتكەرلەرى ماس كۇيىندە موتوسيكل باسقارۋدىڭ 154 دەرەگىن انىقتاپ، جولىن كەستى.