ق ر ۇقك شەكارا قىزمەتىنىڭ زەينەتكەرى، زاپاستاعى مايور ورال قالاسىنىڭ اكىمىنە جانە قالالىق تۇرعىن ۇي-كوممۋنالدىق شارۋاشىلىق، جولاۋشىلار كولىگى جانە اۆتوموبيل جولدارى بولىمىنە تالاپ ارىزبەن جۇگىندى، دەپ حابارلايدى infohub.kz سايتى.
باتىس قازاقستان وبلىستىق سوتىنىڭ ءباسپاسوز قىزمەتىنەن ءمالىم ەتكەندەي، وبلىستىڭ مامانداندىرىلعان اۋدانارالىق اكىمشىلىك سوتى ورال قالاسىنىڭ اكىمىنە جانە قالالىق تۇكش، جولاۋشىلار كولىگى جانە اۆتوموبيل جولدارى بولىمىنە (تۇكش، جك جانە اج ءبولىمى) قاتىستى پاتەردى پريۆاتيزاسيالاۋدان باس تارتۋ تۋرالى اكىمدىك تۇرعىن ءۇي كوميسسياسىنىڭ حاتتامالىق شەشىمىن داۋلاۋ تۋرالى اكىمشىلىك ءىستى قارادى.
سوت انىقتاعانداي، تالاپكەر — زاپاستاعى مايور، ق ر ۇقك شەكارا قىزمەتىنىڭ زەينەتكەرى. 2019 جىلى ق ر ۇقك شەكارا قىزمەتى 2029 اسكەري ءبولىمىنىڭ تۇرعىن ءۇي كوميسسياسى وتىرىسىنىڭ حاتتاماسىمەن پريۆاتيزاسياعا جاتپايتىن تۇرعىن ۇيدە تۇراتىن ءبولىم زەينەتكەرلەرىنىڭ قىزمەتتىك تۇرعىن ءۇيىن كەيىننەن پريۆاتيزاسيالاۋ ماقساتىندا باسقا تۇرعىن ۇيگە ايىرباستاۋ ماسەلەسى شەشىلدى.
ق ر ۇقك شەكارا قىزمەتى تۇرعىن ءۇي كوميسسياسىنىڭ حاتتامالىق شەشىمىمەن تالاپكەرگە جانە ونىڭ وتباسى مۇشەلەرىنە قىزمەتتىك پاتەردى قالدىق قۇنى بويىنشا پريۆاتيزاسيالاۋ قۇقىعى بەرىلدى. قىزمەتتىك تۇرعىن ءۇي كوممۋنالدىق مەنشىككە قابىلدانىپ، تۇكش، جك جانە اج ءبولىمىنىڭ بالانسىنا بەرىلدى.
2025 جىلعى 27 قاراشادا ەر ادام پاتەردى پريۆاتيزاسيالاۋ تۋرالى وتىنىشپەن جەرگىلىكتى اتقارۋشى ورگانعا جۇگىندى. الايدا تۇرعىن ءۇي كوميسسياسى وتىرىسىنىڭ حاتتامالىق شەشىمىمەن تالاپكەرگە تۇرعىن ءۇيدى پريۆاتيزاسيالاۋدان ونىڭ «قازاقستان رەسپۋبليكاسىنىڭ اۋماعىندا مەنشىك قۇقىعىندا وزگە تۇرعىن ءۇيى بار» دەگەن نەگىزدەمەمەن باس تارتىلدى.
سوت تالاپ ارىزدى قاناعاتتاندىرا وتىرىپ، 2019 جىلعى ق ر ۇقك شەكارا قىزمەتى تۇرعىن ءۇي كوميسسياسىنىڭ حاتتاماسىمەن تالاپكەرگە جانە ونىڭ وتباسى مۇشەلەرىنە قىزمەتتىك پاتەردى قالدىق قۇنى بويىنشا پريۆاتيزاسيالاۋ قۇقىعى بەرىلگەن دەگەن تۇجىرىمعا كەلدى. ياعني، تالاپكەردىڭ بەرىلگەن قىزمەتتىك تۇرعىن ءۇيدى پريۆاتيزاسيالاۋ تۋرالى شەشىمدى ءتيىستى جانە ۋاكىلەتتى ورگان قابىلداعان.
قارالىپ وتىرعان جاعدايدا ەر ادام جانە ونىڭ وتباسى تۇرعىن ۇيگە مۇقتاج دەپ تانىلعان، سونداي-اق مۇرا بويىنشا م ۇلىك العانعا دەيىن پاتەردى پريۆاتيزاسيالاۋ تۋرالى شەشىم قابىلدانعان، دەمەك، 2019 جىلعى ق ر ۇقك شەكارا قىزمەتىنىڭ حاتتامالىق شەشىمى تۇرعىن ءۇيدى پريۆاتيزاسيالاۋ تۋرالى شارت جاساسۋ ارقىلى ورىندالۋعا ءتيىس. شەشىم زاڭدى كۇشىنە ەنگەن جوق.