باق-تا ءومىر بويىنا سوتتالعان سۇلتان سارسەماليەۆتى جالپى كامەرادان جالعىز كامەراعا اۋىستىرعانى تۋرالى اقپارات تارادى. بۇل مالىمەتكە اتىراۋ وبلىستىق قىلمىستىق-اتقارۋ جۇيەسى دەپارتامەنتى تۇسىنىكتەمە بەردى، دەپ حابارلايدى infohub.kz.
«اق جايىق» باسىلىمى دەرەككوزدەرگە سىلتەمە جاساپ، سارسەماليەۆتى اتىراۋ قاماۋداعى تەرگەۋ يزولياتورىنا وقشاۋلاعان دەپ جازدى. باسىلىمنىڭ اڭگىمەلەسۋشىلەرىنىڭ ايتۋىنشا، بۇل شەشىم قاۋىپسىزدىكتىڭ الدىن الۋ شارالارىنا بايلانىستى بولۋى مۇمكىن. دەرەككوزدەر مەكەمە اكىمشىلىگى سوتتالعاننىڭ جاعدايىنا قاتىستى الاڭداۋشىلىقتان ونى باقىلاۋدى كۇشەيتۋدى قاجەت دەپ ساناعانىن ايتادى. بۇل اقپاراتتى رەسمي تۇردە راستاۋ نەمەسە جوققا شىعارۋ ازىرگە مۇمكىن بولمادى.
اتىراۋ وبلىستىق قاجك دەپارتامەنتى بۇل اقپاراتتى راستامادى، ءبىراق جوققا دا شىعارمادى. ۆەدومستۆو ءباسپاسوز قىزمەتى سۇراۋدا كورسەتىلگەن سوتتالعاننىڭ قىلمىستىق-اتقارۋ جۇيەسى مەكەمەسىندە سوت تاعايىنداعان جازاسىن وتەپ جاتقانىن حابارلادى. «ق ر «دەربەس دەرەكتەر جانە ولاردى قورعاۋ تۋرالى» زاڭىنىڭ 15-بابىنا جانە ق ر قىلمىستىق-اتقارۋ كودەكسىنىڭ 93-بابىنا سايكەس سوتتالعانداردىڭ جەكە ىستەرىنەن الىنعان وزگە اقپارات جاريالانۋعا جاتپايدى»، — دەدى قاجك-دە.
ەسكە سالايىق، 2026 جىلدىڭ 14 شىلدەسىندە سۇلتان سارسەمالييەۆ اتىراۋ وبلىسىندا ءتورت ادامنان تۇراتىن وتباسىن ولتىرگەن ءىس بويىنشا ءومىر بويىنا باس بوستاندىعىنان ايىرىلدى. سونداي-اق سوت ودان زارداپ شەككەندەردىڭ پايداسىنا 40 ملن تەڭگە ءوندىردى.