سۇلتان سارسەمالييەۆ اتىراۋ وبلىسىندا ءتورت ادامدى ولتىرگەنى ءۇشىن ءومىر بويى باس بوستاندىعىنان ايىرۋعا سوتتالدى، دەپ حابارلايدى infohub.kz.
بۇعان دەيىن مەملەكەتتىك ايىپتاۋشى سوتتالۋشىعا ءدال وسىنداي جازا تاعايىنداۋدى سۇراعان ەدى. پروكۋرور ەكى نەمەسە ودان دا كوپ ادامدى اسا قاتىگەزدىكپەن جانە پايداكۇنەمدىك ماقساتتا ءولتىرۋ بابى بويىنشا ءومىر بويىنا باس بوستاندىعىنان ايىرۋدى تالاپ ەتتى. ىستە بۇدان بولەك تە بىرنەشە باپ بار.
جانگەلدين اۋىلىنداعى جان تۇرشىگەرلىك قىلمىس وتكەن جىلدىڭ سوڭىندا بولعان. تەرگەۋ نۇسقاسىنا سايكەس، سارسەمالييەۆ بۇرىنعى ايەلى اقبايان مۇقانعاليەۆانىڭ اتا-اناسىن، اعاسى مەن قارىنداسىن قاتىگەزدىكپەن ولتىرگەن.