2026/27 ماۋسىمىنداعى رەسەي سۋپەركۋبوگى ءۇشىن سانكت-پەتەربۋرگتىڭ «زەنيتى» مەن ماسكەۋدىڭ «سپارتاكى» اراسىنداعى ماچتا قازاقستان قۇراماسىنىڭ قورعاۋشىسى نۇرالى ءالىپ قاتىسقان جاپپاي توبەلەس بولدى، دەپ حابارلايدى infohub.kz سايتى.
تيتۋلدىق كەزدەسۋ تومەنگى نوۆگورودتا ءوتتى. نەگىزگى ۋاقىت 1:1 ەسەبىمەن تەڭ اياقتالدى. «زەنيت» قوسىمشا ۋاقىتتا بۇرىن «سپارتاكتا» ويناعان الەكساندر سوبولەۆتىڭ پەنالتيىنىڭ ارقاسىندا ەسەپتى تەڭەستىردى.
گولدان كەيىن سوبوليەۆ ماسكەۋلىك كوماندا جانكۇيەرلەرىنە وتكىر ىم-يشارا جاسادى، بۇل «سپارتاك» ويىنشىلارىنىڭ نارازىلىعىن تۋدىردى. توبەلەس باستالىپ، كوپ ۇزاماي جاپپاي سيپات الدى — الاڭعا ەكى كوماندانىڭ دا رەزەرۆتەگى ويىنشىلارى مەن قىزمەتكەرلەرى جۇگىرىپ شىقتى. بۇكىل ماچتى قوسالقى قۇرامدا وتكىزگەن نۇرالى ءالىپ تە شايقاسقا قاتىسىپ، سارى قاعاز الدى.
بىرنەشە مينۋتتان كەيىن جانجال رەتتەلدى. رەگلامەنت بويىنشا ويىن پەنالتي سەرياسىنا كوشتى، وندا «زەنيت» 4:2 ەسەبىمەن جەڭىسكە جەتىپ، رەسەي سۋپەركۋبوگىن يەلەندى.