«قازگيدرومەت» سينوپتيكتەرى قازاقستان بويىنشا 26–28 قىركۇيەككە ارنالعان اۋا رايى بولجامىن ۇسىندى. ەلدىڭ ءبىرقاتار وڭىرىندە تەمپەراتۋرا تومەندەپ، كەي جەرلەردە جاۋىن-شاشىن، ونىڭ ىشىندە قار تۇرىندە جاۋادى، دەپ حابارلايدى infohub.kz سايتى.
ايتۋلارىنشا، الداعى كۇندەرى رەسپۋبليكا اۋماعىنىڭ باسىم بولىگىندە اۋا رايىن سولتۇستىك-باتىس انتيسيكلون انىقتايدى. ونىمەن بىرگە جاۋىن-شاشىنسىز اۋا رايى مەن اۋا تەمپەراتۋراسىنىڭ تومەندەۋى كۇتىلەدى.
وسى كەزەڭدە قازاقستاننىڭ باتىسى مەن سولتۇستىك-باتىسىندا، ال 27–28 قىركۇيەكتە سولتۇستىكتە، شىعىستا جانە وڭتۇستىك-باتىستا جاۋىن-شاشىنسىز اۋا رايى بولجانادى.
سونىمەن قاتار شىعىستا، ورتالىقتا، وڭتۇستىكتە جانە وڭتۇستىك-شىعىستا اتموسفەرالىق فرونتالدىق بولىكتەردىڭ وتۋىمەن نايزاعايلى جاڭبىر جاۋادى. تۇنگى ۋاقىتتا الماتى وبلىسىنىڭ تاۋلى اۋداندارىندا جاڭبىر مەن قار تۇرىندە جاۋىن-شاشىن بولۋى مۇمكىن.
تۇنگى جانە تاڭعى ۋاقىتتا كەي جەرلەردە تۇمان بولادى. رەسپۋبليكانىڭ كوپتەگەن وبلىسىندا جەل كۇشەيىپ، وڭتۇستىكتە شاڭدى داۋىل تۇرۋى كۇتىلەدى.
وسى كەزەڭدە سولتۇستىك پەن شىعىستا، ال 27–28 قىركۇيەكتە سولتۇستىك-باتىس پەن ورتالىقتا تۇنگى ۋاقىتتا -1-دەن -3 گرادۋسقا دەيىن ۇسىك بولادى.
ايتا كەتەيىك، كۋاگەرلەر الماتى تاۋلارىندا العاشقى قاردىڭ جاۋعانىن حابارلادى — ءتيىستى كادرلار الەۋمەتتىك جەلىلەردە جاريالاندى.