سيقىرلى ساندار

سيقىرلى ساندار
ماقساتى: 1. 1-دەن 5-كە دەيىنگى ساندار تۋرالى العان بىلىمدەرىن جيناقتاۋ، قورىتىندىلاۋ،
1-دەن 5-كە دەيىنگى سانداردى تۋرا جانە كەرى ساناۋدى پىسىقتاۋ. ەستۋ
بارىسىندا سانداردى اجىراتا بىلۋگە جاتتىقتىرۋ.
وقۋشىلاردىڭ ءوي-ورىسىن، ويلاۋ قابىلەتىن، ماتەماتيكالىق ءتىلىن دامىتۋ. پانگە دەگەن قىزىعۋشىلىعىن، ەستە ساقتاۋ قابىلەتىن دامىتۋ.
ىزدەنىمپازدىققا، ءوز ويىن جەتكىزە بىلۋگە، ۇجىمدا جۇمىس ىستەي بىلۋگە تاربيەلەۋ.
ساباقتىڭ كورنەكى-قۇرالدارى: ساندار، ەرتەگى كەيىپكەرلەرى، تاراتپا ماتەريالدار، سۋرەتتى
قاعازدار.
تەحنيكالىق قۇرال: كومپيۋتەر
ادىس-تاسىلدەرى: سۇراق-جاۋاپ، كورنەكىلىك، توپتىق جۇمىس.
ءتيپى: بەكىتۋ ساباعى
ءتۇرى: جارىس تۇرىندە
ءپانارالىق بايلانىس: كوركەم ادەبيەت، ءتىل دامىتۋ، اينالانى قورشاعان ورتا.
جوسپار:
ءى. ۇيىمداستىرۋ
ءىى. جاڭا ساباق
1. توپتاردى انىقتاۋ
2. ويىن
3. سەرگىتۋ ءساتى
4. ساباقتى بەكىتۋ
ءىىى. قورىتىندىلاۋ
ءىV. ماداقتاۋ

ءى. ۇيىمداستىرۋ: 1. بالالار حورمەن:
ۇلكەنگە دە ءسىز،
كىشىگە دە ءسىز،
بارشا ادامدى قۇرمەتتەپ
باس يەمىز ءبىز.
2. وقۋشىلار نازارىن ساباققا اۋدارۋ.
بالالار، ءبىز بۇگىن ەرتەگىلەر الەمىنە ساياحاتقا شىعامىز. ساياحاتقا پويىزبەن شىعامىز.
بالالار، ءبىز قانداي ساندارمەن تانىستىق؟
- ۆاگون ساندارى رەتىمەن تىركەلگەن بە؟
وندا رەتىمەن تىركەپ الايىق.
ەندى ۆاگونداردى رەتىمەن سانايىقشى.
ەندى كەرى سانايىق.
ۆاگوندار سانى نەشەۋ ەكەن؟

ءىى. جانا ساباق.
قىزىعۋشىلىقتى وياتۋ
1، 2، 3
سىنىپ ءىشى تىپ-تىنىش
جالقاۋلىقتى تاستايمىز
ساباقتى ءبىز باستايمىز!
1. توپتاردا انىقتاۋ.
بۇگىنگى ساباعىمىزدا 3 توپ بولىپ جارىسامىز.

«بالداۋرەن» توبى
«بالبوبەك» توبى
«بالعىندار» توبى

2. ويىن.
ا) ءار توپ ءوزىنىڭ تاڭباسىنا قاراي تانىستىرۋ ايتادى.
«بالداۋرەن» توبى: ءۇش دەگەنىم – ءۇمىت،
جايدارى ءجۇر ك ۇلىپ
سوتقار بولساڭ، بالام،
اتاناسىڭ بۇزىق.
«بالبوبەك» توبى: ءتورت دەگەنىم – ءتوزىم،
سابىرلى بول ءوزىڭ.
ال اسىقساڭ، بالام،
ءمانسىز بولار ءسوزىڭ.
«بالعىندار» توبى: بەس دەگەنىم – اقىل،
بول اقىلدى، باتىر
اتاڭ نە ايتسا، بالام
قۇپ العانىڭ ماقۇل.
ءا) «كورشىسىن تاپ» ويىنى.
ءار توپقا جەتىسپەيتىن ساندى تابۋعا تاپسىرمالار بەرىلەدى:
0 23 5
01 3 5
0 2 4
ب) اۋىزشا ەسەپتەر شىعارۋ
- ەكى بالاپان تۇر،
ەكى بالاپان وتىر.
شاتاسپاي تەز ويلانساڭ،
تۋرا تاۋىپ، تۋرا ايتساڭ،
تۇرعانى بار، وتىرعانى
بارلىعى قانشا بالاپان؟
(ءتورت)
- ءپىسىپ تۇرعان ءتورت المۇرت،
قىزىعاتىن كورگەن جۇرت.
ەكى المۇرتتى بۇتاقتان،
الىپ جەدى مۇراتقان.
قانشا قالدى المۇرتتان؟
(ەكى)
- بەس المانىڭ ۇشەۋىن،
دوسىڭ سۇراپ الدى.
ايتشى، سوندا نەشەۋى،
ءوز قولىڭدا قالدى؟
(2)
- تال بويىندا ءتىزىلىپ
بەس جاپىراق تۇر ەدى.
جەل سوقتى دا ءۇزىلىپ،
ۇشىپ كەتتى ۇشەۋى.
ءىلىنىپ تۇر ءالى
جاپىراقتىڭ نەشەۋى؟
(3)
- تاباقتا ءتورت ورىك،
قولىمدا ءبىر ورىك.
قوسقاندا بارلىعى
بولادى نەشە ورىك؟
(5)
- الما اعاشتا بەس الما،
قانداي ءتاتتى جەسە الما.
بەسەۋىن دە جەپ قويسام،
قالادى سوندا نەشە الما؟
(0)
العاشىندا كۇنارا،
قونۋشى ەدى ءبىر ارا.
بۇگىن ءتورت تۋىسىن
ەرتىپ كەپتى بۇل ارا.
كەلىپ قوندى نەشە ارا؟
(5)
3. سەرگىتۋ ءساتى
مىناۋ مەنىڭ جۇرەگىم،
ءبارى وسىدان باستالعان.
مىناۋ – باسىم اقىلدى،
ءبارىن وسى باسقارعان.
مىناۋ مەنىڭ – وڭ قولىم،
مىناۋ – مەنىڭ سول قولىم،
بارلىق ءىستى اتقارعان.

4. بەكىتۋ
«ۇلكەن، كىشى جانە تەڭ» ويىنى

«قالت ەتپەي قاعىپ ال، جاۋابىن تاۋىپ ال» ويىنى
ماقساتى: 5 سانىنىڭ شىعۋ جولىن تابۋدا ەسكە ساقتاۋ قابىلەتىن دامىتۋ.
شارتى: بالالار دوڭگەلەنە تۇرادى. ورتادا تۇرعان تاربيەشى «قالت ەتپەي قاعىپ ال، جاۋابىن تاۋىپ ال دەپ» ەكى جانە ءۇش دەپ ءبىر بالاعا دوپتى لاقتىرادى. دوپتى قاعىپ العان بالا، ءۇش جانە ەكى بولادى بەس دەپ دوپتى تاربيەشىگە كەرى لاقتىرادى.

ءىىى. قورىتىندىلاۋ
ەندى بالالار، ۇيشىك ەرتەگىسىندەگى اڭدارعا ۇيلەرىن قالاۋعا كومەكتەسەيىك.
5 سانىنىڭ قۇرامىن تابۋ.
ءىV. ماداقتاۋ
جەڭگەن توپتى جانە جاقسى قاتىسقان بالالاردى ماداقتاپ وتەمىن