InfoHub Logo

باستىسى — قول جەتكىزگەن تابىستارىڭىزبەن توقتالىپ قالماۋ.

تابىستى جوبانى اياقتاعاننان كەيىن ومىردەن ءلاززات الىپ، تاپقان تابىسىڭىزدى ساناپ تا ۋاقىت وتكىزۋىڭىزگە بولادى. الايدا بوساڭسۋعا ءالى ەرتە. ءدال قازىرگى جاعدايدا ۇزدىك ماركەتينگتىك ستراتەگيا — جاڭا جوبانى قولعا الۋ. ەگەر ءسىز جازۋشى بولساڭىز، جاڭا كىتاپ جازۋدى باستاڭىز. ەگەر اكتور بولساڭىز — جاڭا رول ىزدەڭىز. ەگەر كاسىپكەر بولساڭىز — جاڭا كومپانيا اشىڭىز.

«كىندىك اكە / The Godfather» ءفيلمى تابىستى بولار ما ەدى، ەگەر ول تريلوگيا ەمەس، كىتاپتىڭ ءبىر ءبولىمى عانا بولسا؟ «The Lord of the Rings» كينوتريلوگياسى بولماسا «Hobbit» تە سونشالىقتى تانىمال بولار ما ەدى؟ ماركەتولوگتار مۇنداي ستراتەگيانىڭ ماڭىزدىلىعىن بۇرىننان-اق تۇسىنگەن.

ۇزاق تىرشىلىك ەتەتىن ءبىر دۇنيە جاساۋ ءۇشىن ۋاقىت جۇمساۋ قاجەت. الايدا قۇر وتىرىپ كۇتپەۋ، العا قاراي قادام باسىپ، جاڭا دۇنيە جاساۋ كەرەك.

زەرتتەۋشىلەر مۇنداي قۇبىلىستى مۋزىكادا زەرتتەپ كورگەن. ورىنداۋشىلاردىڭ ءاربىر جاڭا البومى شىققان سايىن بۇرىنعى جازبالارىنىڭ ساتىلىمى ارتا تۇسەدى ەكەن. بۇل جاڭا اقپارتتىڭ پايدا بولۋىنىڭ ارقاسىندا جۇزەگە اسادى. تۇتىنۋشىلار ورىنداۋشى جايىندا بىلگەننەن كەيىن ونىڭ ەسكى جازبالارىن دا ساتىپ الا باستايدى.

بۇل فەنومەن ونەرمەن عانا شەكتەلىپ قويمايدى. Apple iPod پەن iPhone-دى ولار العاش پايدا بولعاننان كەيىن دە ۇسىنۋلارىن توقتاتقان جوق قوي. تىپتەن جىل سايىن وسى ونىمدەردىڭ جاقسارتىلعان نۇسقالارىن شىعارۋدا. جانە دە ءاربىر جاڭا نۇسقا شىققان سايىن ساتىپ الۋشىلاردىڭ ۇمىتتەنۋى مەن باق-تاعى دۇرلىگۋ تەك ارتىپ كەلەدى. تۇتىنۋشىلاردى بۇرىنعىدان دا كوبىرەك تارتۋ ءۇشىن كومپانيا ءاربىر جاڭا ءونىمىن الدىڭعىسىمەن بايلانىستىرا ازىرلەيدى. بۇل ستيۆا دجوبستىڭ بيزنەس-ستراتەگياسىنىڭ ءبىر بولىگى بولاتىن.

ەگەر دە ءسىز ءبىر نارسە جاساساڭىز جانە ول وتە ءساتتى شىقسا، وندا ونىمەن توقتاپ قالماڭىز — العا قاراي قادام جاساپ، تاعى دا بىرەۋىن جاساڭىز. ماڭىزدىسى ودان ءارى نە ىستەۋ كەرەگىن انىقتاپ الۋ.

ستيۆ دجوبس

ۆۋدي اللەننىڭ دە كوزقاراسى وسىنداي. مىنە ونداعان جىلدار بويى ول جىل سايىن دەرلىك ءبىر كينودان تۇسىرەدى. ول ساننىڭ كومەگىمەن ساپاعا قول جەتكىزۋگە تىرىسادى. «ەگەر ءجيى-جيى فيلم تۇسىرە بەرسەڭ، كەيدە ءبىر ۇزدىك فيلم شىعادى»، — دەپ رەجيسسور ءوز ويىمەن بولىسەدى.

ءاربىر جاڭا تالپىنىس جاساعان سايىن ءسىز ءوز شەبەرلىگىڭىزدى شىڭدايسىز جانە ۇزاققا سوزىلاتىن ءارى پايدالى نارسە جاساۋ مۇمكىندىگىن ارتتىراسىز. باستىسى —  جاساۋ، جاساۋ جانە تاعى دا جاساۋ.

تيسە تەرەككە، تيمەسە بۇتاققا دەگەن ۇمىتپەن بارلىعىنا بىردەي كەلىسە بەرۋ قاجەت دەگەندى بىلدىرمەيدى. كوپتەگەن باسپالار مەن لەيبلدار ءدال وسىنداي قاتەلىك جاسايدى. ونىڭ ورنىنا:

—  تالعامىڭىز بيىك بولسىن.

—  ويىڭىزدى ۇزاق مەرزىمدى بولاشاققا جۇمىلدىرىڭىز.

—  بارلىق جاڭا نارسەلەرگە اشىق بولىڭىز، الايدا تاڭداۋىڭىزدى مۇقيات جاساڭىز.

—  ماڭگىلىككە سوزىلۋى مۇمكىن يدەيالارعا باسىمدىلىق بەرىڭىز.

ەگەر Photoshop-تا ءبىر نارسەنىڭ سۋرەتىن سالعان بولساڭىز، ءسىز ءالى ديزاينەر ەمەسسىز. كىتاپ شىعارعانداردىڭ ءبارى جازۋشى بولا المايدى. ول جاي كىتاپ شىعارعان ادام.

ناعىز جازۋشى بولۋ ءۇشىن كوپ كىتاپ جازۋ قاجەت. ناعىز كاسىپكەر بولۋ ءۇشىن دە بىرنەشە بيزنەس اشۋ كەرەك.

ارينە، ءبىر عانا نارسە جاساعان كوپتەگەن تالانتتى ادامدار بار. مارك سۋكەربەرگ ءبارىبىر دە كاسىپكەر، ال حارپەر لي ءبارىبىر دە جازۋشى. الايدا ولار تاعى دا بىردەڭە جاساسا، الەم ودان دا جاقسىراق بولماس پا ەدى؟

ءوزىمىزدى ءبىر جوبامەن شەكتەمەۋىمىز كەرەك.

جاقسى ءبىر-اق نارسە جاساۋ جەتكىلىكسىز. كوبىرەك جاساڭىز. ارتىمدا ءوز مۇرامدى قالدىردىم دەگەن ويمەن العاشقى قادامنان كەيىن توقتاپ قالماڭىز. ونىمەن شەكتەلىپ قالماڭىز. ءسىز جاڭا دۇنيە جاساي بەرەتىندىگىڭىزدى الەمگە جانە ءوز وزىڭىزگە بىرنەشە رەت دالەلدەڭىز... جانە تاعى دا بىرنەشە رەت.

---