تابيعات - ءبىزدىڭ دوسىمىز

ءبىلىم بەرۋ سالاسى: تانىم
وقۋ ءىس - ارەكەتى: قورشاعان ورتامەن تانىستىرۋ
تاقىرىبى: تابيعات - ءبىزدىڭ دوسىمىز
ماقساتى: بالالارعا تابيعات، تىرشىلىك، قورشاعان ورتا اراسىندا بايلانىس جايلى تۇسىنىكتەرىن قالىپتاستىرۋ، بالالارعا ءولى جانە ءتىرى تابيعات جونىندە ماعلۇمات بەرۋ، تابيعاتقا سۇيىسپەنشىلىكپەن قاراۋعا، قادىرلەي ءبىلۋ جانە قامقورلىق جاساي بىلۋگە ۇيرەتۋ. بالالاردىڭ ويلاۋ قابىلەتتەرىن دامىتۋ.
ءادىس – تاسىلدەر: تريز ءادىسى، ساياحات، اڭگىمە، ءتۇسىندىرۋ، كورسەتۋ، سۇراق – جاۋاپتار.
كورنەكى – قۇرالدار: اكت، تاقىرىپ بويىنشا سۋرەتتەر، ۆيدەو – سلايد، تەلەديدار

ءۇوىا دايىندىق
سالەمەتسىڭدەر مە بالالار! مەن سەندەردى كورگەنىمە وتە قۋانىشتىمىن. ەندەشە ءبىر - بىرىمىزگە دەگەن جىلى لەبىزدەرىمىزدى ءبىلدىرىپ تاڭعى شاتتىق شەڭبەرىن جاسايىق.
ارايلاپ تاڭ اتتى
التىن ساۋلە تاراتتى
جارقىرايدى دالامىز
جارقىرايدى قالامىز
قايىرلى تاڭ دوستارىم
قايىرلى تاڭ باقشامىز

ءۇوىا وتكىزىلۋى
بالالار سەندەر وتىرماس بۇرىن مەن سەندەرگە جۇمباق جاسىرامىن، مۇقيات تىڭداڭدار.
ءبىر جەرىندە ىستىق
ءبىر جەرىندە سۋىق
ءبىر جەرىندە كۇن
ءبىر جەرىندە ءتۇن
كەرەمەت الىپ نەتكەن
- ءيا دۇرىس ايتاسىڭدار، مىنە مىناۋ جەر شارى، ءپىشىنى قانداي؟

بالالار ءبىز ءقازىر سىزدەرمەن «جەر شارى» ويىنىن وينايمىز.
ويىن شارتى بويىنشا مەن قولىمداعى دوپتى ءبىر بالاعا لاقتىرىپ، «جەر شارى» دەپ ايتامىن قاعىپ العان بالا جەر شارىندا كىمدەر؟ نەلەر؟ مەكەندەيتىنىن شاپشاڭ ايتىپ دوپتى كەرى لاقتىرادى. مىسالى: تاربيەشى «جەر شارى» دەسە بالا «ادام» دەپ جىلدام جاۋاپ بەرۋى ءتيىس.
جارايسىڭدار بالالار! ادام، قۇستار، جانۋارلار، جاندىكتەر، اڭدار، اعاشتار، گۇلدەر، تاۋلار. بۇنىڭ بارلىعىن ءبىر سوزبەن ايتقاندا نە دەپ ايتامىز؟
دۇرىس ايتاسىڭدار ءبىز بۇگىن سىزدەرمەن وسى تابيعات ۇعىمىمەن تەرەڭىرەك تانىسامىز.
عاجايىپ ءسات
ەكراننان حاتتى وقۋ
تابيعات اياسىنداعى اق قايىڭ اعاشىنان كەلىپ تۇر ەكەن.
حات
سالەمەتسىز بە، قۇرمەتتى بالالار! مەن اق قايىڭمىن.
مەن سەندەرگە جازدا جاندارىڭا سايا بولاتىن ەدىم. كازىرگى كەزدە مەنىڭ قالىم ناشارلاپ بارا جاتىر ماعان ادامدار كوڭىل ءبولىپ قارامايدى. مەنىڭ بۇتاقتارىم سىنىپ، سۋسىز قۋراپ بارا جاتىرمىن. مەن سەندەردەن سۇرايتىنىم ماعان كومەك بەرىڭدەرشى. سالەممەن اق قايىڭ

ماڭعىستاۋ وبلىسى، قاراقيا اۋدانى، قۇرىق اۋىلى
«ق ۇلىنشاق» بالاباقشاسىنىڭ تاربيەشىسى
شىڭعىسباي بالجان ساعاتبەك قىزى
تابيعات - ءبىزدىڭ دوسىمىز جۇكتەۋ