تاقىرىبى: تابيعات – دەنساۋلىق مەكەنى

باعىتى: ءوزىن - ءوزى تانۋ جانە دامىتۋ تاربيەسى.
ماقساتى: تابيعاتتى قورعاۋ. ەكولوگيالىق تاربيە نەگىزىن قالىپتاستىرۋ. وقۋشىلاردى ەلىن، جەرىن سۇيۋگە، قادىرلەۋگە ۇيرەتۋ جانە تابيعات قامقورشىلارىنىڭ قاتارىن مولايتۋ. ەكولوگيالىق اپاتتاردى بولدىرماۋعا اتسالىسۋ.

تۇزەتۋ ماقساتى: بالالاردىڭ ساباق بارىسىندا دىبىستارىن قاداعالاپ، سوزدەرىنىڭ دۇرىس ايتىلۋىن باقىلاپ تۇزەتۋ.
بارىسى: ۇيىمداستىرۋ.
تابيعات – ءبىزدى قورشاعان ورتا، ول ادام
بالاسىنىڭ ساناسىنان تىس، وزدىگىنەن پايدا بولعان. دەمەك، ادام تابيعاتسىز ءومىر سۇرە المايدى. تابيعاتتىڭ ەرەكشە قاسيەتى – ول ءوزىنىڭ ءبولىپ شىعارعان قالدىعىنان ادامنىڭ كومەگىنسىز - اق ءوزىن تازارتىپ الادى. ال ادام بالاسىنىڭ ءىس - اركەتتەرىنەن بولعان قالدىقتاردان ءوزىن - ءوزى تازارتا المايدى، تابيعات ۋلانىپ، لاستانادى.
تازا تابيعات ءۇشىن كۇرەس – ءومىر ءۇشىن كۇرەس، كەلەشەك، بولاشاق ءۇشىن كۇرەس ءارقايسىمىز ءوزىمىز وسكەن ورتانىڭ تابيعاتىن قورعاۋعا مىندەتتىمىز. تابيعات ادام بالاسىن دۇنيەگە كەلتىرگەن اياۋلى انا بۇكىل تىرشىلىك اتاۋلىنىڭ التىن ۇياسى، ايالى بەسىگى، قۇتتى قونىسى جانە ءوسىپ - ونگەن مەكەنى. سوندىقتان تابيعات - انامىزدىڭ نەدەن زارداپ شەگىپ تۇرعانىن انىقتاپ، ءوز كومەگىمىزدى بەرۋگە دايىن بولۋىمىز كەرەك.
بۇگىنگى تاربيە ساعاتىمىز وسى ماقساتتا ۇيىمداستىرىلىپ وتىر.
تابيعاتتىڭ تارىلتپايىق ءمولدىر كاۋسار تىنىسىن،
پاك تابيعات – جۇرەگىمنىڭ تامىلجىعان تىنىسىڭ.
ەي، ادامدار، قالاي عانا قاتىگەزدىك جاسايسىڭ،
ول – اناڭ عوي، ال سەن – كەنجە ۇلىسىڭ!
تابيعاتتىڭ سۇلۋ - سىمبات ءمۇسىنى، كورىكتى كەلبەتى ءبىر تاماشا تۋىندىلاردىڭ ءبىرى – حايۋاناتتار. حالقىمىز ەجەلدەن - اق كوپتەگەن جانۋارلاردى كوزىنىڭ قاراشىعىنداي ايالاپ، قامقورلىقق العان. اسىرەسە، قارلىعاش پەن اققۋعا دەگەن جان اشىرلىق ەرەكشە ورىن العان.
تيمە اققۋعا!
مەندەيلەردىڭ اتىن ال، تۇيەسىن ال،
تيمە اققۋعا! اققۋدىڭ كيەسى بار.
مەندەيلەردىڭ زاتىن ال، بيەسىن ال،
تيمە اققۋعا اققۋدىڭ يەسى بار…
كەۋدەمدە جۇرەك باردا باسىلا ما وي،
تيمە اققۋعا كىرشىكسىز اسىل ار عوي،
تيمەڭدەرشى كولىمنىڭ كوركى بولسىن.
جانارىندا مۇڭلىقتىڭ جاسى بار عوي…

تابيعاتتى قورعاۋ تۋرالى انانىڭ قانداي وسيەت سوزدەرى بار؟
“ۇيا بۇزبا! بالاپانعا تيمە” دەپ،
ۇرسۋشى ەدى، مەنىڭ انام، كۇيگەلەك
“جاس شىبىقتى سىندىرما” دەپ ۇرساتىن،
شىققانىمدا “تۇلپارىمدى” سۇيرەلەپ،
“ۇيا بۇزبا! بۇزبا” دەيمىن بالاما
وسيەتىڭ قانداي عاجاپ، جان انا!
تابيعاتتى تارىلتپايىق.
ءمولدىر كاۋسار تىنىسىن.
پاك تابيعات!
جۇرەگىمنىڭ تامىلجىعان جىرىسىڭ.
ەي، ادامدار!
قالاي عانا قاتىگەزدىك جاسايسىڭ.
ول اناڭ عوي، ال سەن كەنجە ۇلىسىڭ.
وتانىن، تۋعان جەرىن سۇيەتىن ۇلتجاندى ازاماتتار تاربيەلەۋدە تانىمدىق وي ارەكەتتەرىن دامىتاتىن تاربيە ساعاتتارىنىڭ ماڭىزى زور.

قورىتىندى
تابيعات – ءبارىمىزدىڭ ورتاق ءۇيىمىز. قازىرگى كەزدە تابيعات بىزدەن ۇلكەن كومەك كۇتۋدە. ءوز تۋعان اۋىلىمىزدىڭ، اۋدانىمىزدىڭ ەكولوگيالىق جاعدايىن ساۋىقتىرۋ ءۇشىن جەردى دۇرىس پايدالانىپ، جاسىل وسىمدىكتەردى مولايتىپ، سۋىمىزدى لاستاماي تابيعاتىمىزدى ايالايىق، ساقتايىق، ونى تازا كۇيىندە بولاشاق ۇرپاققا تابىس ەتۋ – ءبىزدىڭ پارىزىمىز.