قازاقستاننىڭ تاەكۆوندو قۇراماسى جاپونيادا وتكەن XX جازعى ازيا ويىندارىنداعى ونەرىن اياقتادى. ۇلتتىق كوماندا ءبىر التىن، ءبىر قولا — بارلىعى ەكى مەدال يەلەندى. ەكىنشى جارىس كۇنى قورجىنعا مەدال قوسۋ مۇمكىن بولمادى، دەپ حابارلايدى infohub.kz سايتى.
ايەلدەر اراسىنداعى 57 كەلىگە دەيىنگى سالماقتا توعجان قازنابەك 1/8 فينال كەزەڭىنەن باستادى. قازاقستاندىق سپورتشى يران وكىلى ناحيد كيانيچاندەحپەن كەزدەسىپ، 0:2 ەسەبىمەن جەڭىلىپ، جۇلدە ءۇشىن كۇرەستى اياقتادى.
ايەلدەر اراسىنداعى 67 كەلىدەن جوعارى سالماقتا نازىم ماحمۋتوۆا دا 1/8 فينالدا توقتادى. ونىڭ قارسىلاسى ۆەتنام وكىلى تحي كحيەم باك بولدى، ول كەزدەسۋدى 2:0 ەسەبىمەن جەڭىپ الدى.
تاعى ەكى قازاقستاندىق سپورتشى شيرەك فينالعا دەيىن جەتتى. 68 كەلىگە دەيىنگى سالماقتا ساميرحون اباباكيروۆ وڭتۇستىككورەيالىق دجينحو مۋنمەن كەزدەسىپ، 0:2 ەسەبىمەن جەڭىلىپ، مەدال ءۇشىن كۇرەستەن شىعىپ قالدى.
80 كەلىدەن جوعارى سالماقتا بەيبارىس قابلان يوردانيا وكىلى موحامماد الاداربيگە قارسى شيرەك فينالدىق كەزدەسۋ وتكىزدى. قازاقستاندىق سپورتشى تارتىستى باسەكەدە 1:2 ەسەبىمەن جەڭىلىپ، جۇلدەلى كەزەڭگە ءبىر قادام جەتپەي توقتادى.
بۇل كەزدەسۋلەر ازيادا-2026-نىڭ تاەكۆوندو باعدارلاماسىنداعى قازاقستان وكىلدەرى ءۇشىن سوڭعى بولدى. وسىلايشا، ۇلتتىق كوماندا ءتۋرنيردى ەكى ناگرادامەن — ءبىر التىن جانە ءبىر قولامەن اياقتادى.
ازيا ويىندارىنىڭ چەمپيونى اتانىپ، قازاقستان قۇراماسىنا التىن مەدال اكەلگەن — تاميرلان تلەۋلەس. تاعى ءبىر ناگرادانى باتىرحان تولەۋگالي يەلەندى، ول جارىستىڭ قولا جۇلدەگەرى اتانىپ، پەدەستالدىڭ ءۇشىنشى ساتىسىنا كوتەرىلدى.