الماتى وبلىسىنىڭ تالعار قالاسىندا ەر ادام كامەلەتكە تولماعان قىزعا قول جۇمسادى دەگەن كۇدىككە ءىلىندى. زارداپ شەككەن قىزدىڭ اناسى وقيعانىڭ ءمان-جايىن ايتىپ بەردى، دەپ حابارلايدى «استانا» تەلەارناسى.
وقيعا 24 تامىزدا وقۋشى قىز ۇيىنە قايتىپ كەلە جاتقاندا بولعان. اناسىنىڭ ايتۋىنشا، كۇدىكتى بالانى ۆەلوسيپەدكە كومەكتەسەمىن دەپ الداپ، الدىمەن كولىكتى تەكسەرىپ، سودان كەيىن قىزعا قول جۇمساي باستاعان. قورىققان بالا بىردەن قاشىپ ۇلگەرمەگەن.
«ول قولىن الدىنان بوكسەسىنىڭ اراسىنا سالىپ، ۇستاپ الدى، سودان كەيىن قىزىمدى اۆتوبۋس ايالداماسىنا الىپ كەلدى، مىنە، وسىندا. مىنە، كورىپ تۇرسىزدار، ءشوپ، ول ءدال وسىندا وتىردى. قىزىمدى الدىنا وتىرعىزدى. ونى الدىنا قويىپ: "شورتىڭدى شەش، مەن قاراپ، ۇستاپ كورەيىن" دەدى»، — دەدى ايەل.
اناسىنىڭ ايتۋىنشا، ەر ادام ءوزى شەشىنە باستاعاندا قىز قاشىپ قۇتىلعان. بالا قايتادان ۆەلوسيپەدكە وتىرىپ، ۇيىنە جەتكەن. وندا اتا-اناسىنا بولعان وقيعانى ايتىپ، قۋىرشاققا كورسەتكەن. اتا-اناسى پوليسياعا ارىزدانعان. سونداي-اق كۇدىكتىنىڭ بۇرىن ادام ولتىرگەنى ءۇشىن سوتتالعانى بەلگىلى بولدى.
پوليسيادا قىلمىستىق كودەكستىڭ 124-بابى بويىنشا قىلمىستىق ءىس قوزعالعانىن حابارلادى. «وسى فاكتى بويىنشا پوليسيا قىزمەتكەرلەرى قىلمىستىق ءىس قوزعادى. قازىرگى ۋاقىتتا كۇدىكتى انىقتالىپ، پوليسياعا جەتكىزىلدى. قىلمىستىق ءىس بويىنشا بولعان وقيعانىڭ ءمان-جايىن وبەكتيۆتى، تولىق جانە جان-جاقتى انىقتاۋعا باعىتتالعان بارلىق قاجەتتى تەرگەۋ ارەكەتتەرى جۇرگىزىلۋدە. تەرگەۋ ءىس-شارالارىنىڭ ناتيجەلەرى بويىنشا ءتيىستى پروسەسسۋالدىق شەشىم قابىلداناتىن بولادى. تەرگەۋ بارىسى وبلىس باسشىلىعىنىڭ ەرەكشە باقىلاۋىندا. وزگە اقپارات تەرگەۋ مۇددەسىنە بايلانىستى جاريا ەتىلمەيدى»، — دەدى وبلىستىق پد وكىلدەرى.
زارداپ شەككەن قىزدىڭ اناسى وقيعادان كەيىن قىزدىڭ قاتتى ەموسيونالدىق كۇيزەلىستە ەكەنىن ايتادى. بۇل جاعداي اۋدان تۇرعىندارىن دا الاڭداتتى. ولاردىڭ ايتۋىنشا، بالالار وسى كوشەدە ۇنەمى وينايدى.
بۇعان دەيىن الماتى وبلىسىندا ەر ادام 9 جاسار قىزعا قول جۇمسادى دەگەن كۇدىككە ىلىنگەنىن جازعان بولاتىنبىز. بۇل تۋرالى اقپارات الەۋمەتتىك جەلىلەردە پايدا بولدى. ونى وبلىستىق پد باستىعىنىڭ ورىنباسارى رۋستام ابدراحمانوۆ پىكىر ءبىلدىردى.