قازاقستاننىڭ وڭتۇستىگىندە التىن ىزدەۋمەن اينالىساتىن Tama Gold كومپانياسى 2025 جىلدىڭ قورىتىندىسى بويىنشا 503 ملن تەڭگە شىعىن كوردى. بۇل ءبىر جىل بۇرىنعى 16،7 ملن تەڭگە شىعىننان الدەقايدا كوپ. بۇل تۋرالى infohub.kz سايتى حابارلايدى.
قارجىلىق ەسەپتىلىككە سايكەس، كومپانيانىڭ 2024–2025 جىلدارى كىرىسى بولماعان. 2025 جىلدىڭ سوڭىنداعى جيناقتالعان جابىلماعان شىعىن 537 ملن تەڭگەنى قۇرادى.
Tama Gold اكسيالارىنىڭ 99%-ى جەكە كومپانيا Altynqonys Resources Ltd.-كە، 1%-ى باسشى ولگا تەگە تيەسىلى. Altynqonys Resources Ltd. ءوز كەزەگىندە Atlas Minerals Ltd. (ورتاق يەلەرى: بەكەجان داۋرەنقۇلوۆ، مارعۇلان مەيىرمانوۆ جانە سەرىك ءشارىپوۆ) جانە Greenrock Minerals Ltd. (ورتاق يەلەرى: تاسبولات ءابدۋللين، اسقار دۇيسەنبايەۆ جانە گەننادي موروزوۆ) كومپانيالارىنا تيەسىلى.
ايتا كەتۋ كەرەك، كاسىپكەرلەر باسقا دا كومپانيالارعا قاتىسادى. مىسالى، Adata سەرۆيسىنىڭ دەرەگىنشە، تاسبولات ءابدۋللين Eurasian Minerals، Qazagrominerals، Dostyq Centre، Crane Towers، Golf Resort، Geo Miners Group Ltd.، Sensata Ltd.، Blaze Development، Uniton، Greenrock Minerals Ltd.، SG Minerals، Sensata Home Group كومپانيالارىنىڭ ورتاق يەسى. اسقار دۇيسەنبايەۆ تا Uniton، Geo Miners Group Ltd.، Blaze Development، Sensata Home Group، Dostyq Centre، Sensata Ltd.، Crane Towers، SG Minerals، Golf Resort، Eurasian Minerals، Qazagrominerals كومپانيالارىنىڭ ورتاق يەسى. گەننادي موروزوۆ Blaze Development، VDS Kazakhstan، Nura Property، HS Group، Morrow Rent، Sensata Home Group، Turion Investment Group Development، Qazagrominerals، Golf Resort، «نۇرا جاستار» قايىرىمدىلىق قوعامدىق قورى، Sensata Ltd.، Greenrock Minerals Ltd.، SG Minerals كومپانيالارىنىڭ ورتاق يەسى.
Tama Gold 2020 جىلعى 25 قاراشادا التىنقونىس ۋچاسكەسىنىڭ 22 شارشى كم اۋماقتى قامتيتىن توعىز بلوگىنا التى جىلدىق گەولوگيالىق بارلاۋ ليسەنزياسىن العان، ءبىراق 2025 جىلعى 17 شىلدەدە ونى قايتارعان. كومپانيا ىزدەۋ جۇمىستارى بارىسىندا قانداي ناتيجەلەرگە قول جەتكىزىلگەنىن ناقتىلامايدى – ەسەپتىلىكتە تەك بۇرعىلاۋ جانە بارلاۋ كومپانيالارىنىڭ قىزمەتتەرىنە اقى تولەۋ شىعىندارى كورسەتىلگەن. ادەتتە، بارلاۋ ليسەنزياسىن قايتارۋ وپەراتوردىڭ ەلەۋلى قورلار تاپپاعانىن بىلدىرەدى. سونىمەن قاتار، كومپانيا جاڭا بارلاۋ ليسەنزيالارىن الۋ جوسپارلارىن قاراستىرىپ جاتىر، دەلىنگەن ەسەپتىلىكتە.
بۇعان دەيىن Tama Gold التىنقونىس ۋچاسكەسى جوڭعار الاتاۋىنىڭ وڭتۇستىك تاۋلى بولىگىندە ورنالاسقانىن حابارلاعان. كومپانيا 2021 جىلدان باستاپ دالا جۇمىستارىن بۋلدوزەر، بۇرعىلاۋ ستانوكتارى جانە باسقا تەحنيكانىڭ كومەگىمەن جۇرگىزۋدى جوسپارلاعان. كومپانيا جۇمىسىندا Megapolis Capital جانە Altynqonys Resources Ltd. كومپانيالارىنان الىنعان قارىزداردى پايدالانعان.