تامارا اسار الەۋمەتتىك جەلىدە سىنشىلارىنا جاۋاپ قايتاردى. بۇل تۋرالى infohub.kz سايتى حابارلادى.
جاقىندا ءانشى پارتياعا كىرىپ، قۇرىلتاي جينالىسىنا دەپۋتاتتىققا كانديدات بولىپ تىركەلدى. سونداي-اق ول اياق-قولىنان ايىرىلعان ادامداردىڭ ماسەلەسىن كوتەرگىسى كەلەتىنىن ايتتى.
«ءانشىنىڭ پارتياعا كىرۋى جانە كانديدات رەتىندە ۇسىنىلۋى قوعامدا ۇلكەن دۇربەلەڭ تۋدىردى — بۇل ەرەكشە جاعداي. دەمەك، بەلسەندى پىكىر بىلدىرۋشىلەردىڭ تۇسىنىگىندە ونەر ادامى ساياسات پەن قوعامدىق جۇمىستان الىس بولۋى كەرەك پە؟ الدە ءانشى ماماندىعى سونشالىقتى كۇشتى مە، الدە جيىركەنىشتى مە، بۇكىل ينتەرنەتتى دۇرلىكتىرىپ جاتىر؟ ءار ادامنىڭ جۇرەگىندە ساياسي سۇرانىس بار — ەلگە پايدا كەلتىرۋ، قوعامعا قىزمەت ەتۋ نيەتى. اتا-انادان العان تاربيە، جيناقتاعان ءبىلىم، عىلىمي دارەجە، ومىرلىك تاجىريبە — مىنە، مەنى پارتيانىڭ ۇسىنىسىن قابىلداۋعا قولدايتىن نارسەلەر! سايلاۋ ناۋقانى ەندى باستالدى، پارتيالاردىڭ بەلسەندىلىگى مەن وتىمدىلىگى ءالى ناتيجە بەرگەن جوق. ۇگىت-ناسيحات جۇمىسىن ەشكىم باستاعان جوق. كانديدات — 100% دەپۋتات ەمەس. ۋاقىتىنان بۇرىن ايتىلعان اسىعىس پىكىرلەر — بۇل بىرەۋگە ەمەس، وزىڭە جاسالعان زورلىق. „جاقسى دەسە قۋانبا، جامان دەسە كۇيىنبە. قۋانساڭ — مەنمەنسىپ كەتەسىڭ، كۇيىنسەڭ — وزىڭنەن ايىرىلاسىڭ“، — دەپ ايتاتىن اكەم. قۇرمەتتى وتانداستار! قۋانىپ، جاقسى پىكىر ءبىلدىرىپ، قۇتتىقتاعاندارعا زور العىس! ال قۇلاقتى كەسىپ، توبەنى تەسىپ، پوست ارناپ، پاراعىندا ورىن ءبولىپ، كۇنالارىم مەن قيىندىقتارىمدى ءوز موينىنا الىپ، ماعان جول اشقاندارعا — مىڭ العىس. سىزدەردىڭ ارەكەتتەرىڭىز مەنى تەك قانا كۇشەيتەدى»، — دەپ جازدى ءانشى.