قازاقستاندا تەمەكى ونىمدەرىن تاڭبالاۋ قۇنى ارزانداۋى مۇمكىن: قارجى مينيسترلىگى ءبىر باقىلاۋ بەلگىسى مەن سايكەستەندىرۋ قۇرالىنىڭ باعاسىن 2،68 تەڭگەدەن 2،66 تەڭگەگە تومەندەتۋ تۋرالى بۇيرىق جوباسىن قوعامدىق تالقىلاۋعا شىعاردى، دەپ حابارلايدى infohub.kz سايتى.
مەملەكەتتىك كىرىستەر كوميتەتىنىڭ پىكىرىنشە، بۇل شارا نارىق قاتىسۋشىلارىنىڭ تاڭبالاۋعا جۇمسايتىن شىعىنىن ازايتۋعا مۇمكىندىك بەرەدى. «جوبانى قابىلداۋدىڭ ماقساتى – تاريفتىك جۇكتەمەنى ازايتۋ جانە تەمەكى ونىمدەرىن اينالىمعا قاتىسۋشىلار ءۇشىن ءبىرىڭعاي تاڭبالاۋ وپەراتورىنىڭ قىزمەتتەرىنە وبەكتيۆتى ءارى قارجىلىق نەگىزدەلگەن ءتاريفتى قولدانۋ»، – دەلىنگەن قۇجاتتا.
سونداي-اق قارجى مينيسترلىگى بۇل وزگەرىس تەمەكى ونىمدەرىن تاڭبالاۋ جانە قاداعالاۋ جۇيەسىنىڭ جۇمىسىنا اسەر ەتپەۋى ءتيىس ەكەنىن اتاپ ءوتتى.
اشىق نورماتيۆتىك قۇقىقتىق اكتىلەر پورتالىندا جاريالانعان جوبانى تالقىلاۋ 2026 جىلعى 5 قازانعا دەيىن جالعاسادى.
تاڭبالاۋ – تەمەكى قورابىنا تۇسىرىلەتىن ارنايى سيفرلىق كود. ول ارقىلى تاۋاردىڭ قايدا جانە قاشان وندىرىلگەنىن نەمەسە يمپورتتالعانىن انىقتاۋعا، سونداي-اق ساتىلعانعا دەيىنگى جولىن قاداعالاۋعا بولادى. مۇنداي جۇيە مەملەكەتكە تەمەكى ونىمدەرىنىڭ اينالىمىن باقىلاۋعا، كونترافاكتىنى انىقتاۋعا جانە ءتيىستى سالىق تولەنبەگەن تەمەكى ساتۋدى توقتاتۋعا كومەكتەسەدى.
بۇعان دەيىن «كۋرسيۆ» قازاقستاننىڭ تەمەكى ەكسپورتى بويىنشا رەكورد ورناتقانىن جازعان بولاتىن. 2026 جىلعى قاڭتار مەن ناۋرىز ارالىعىندا ەل 42،5 ملن دوللارلىق تەمەكى ونىمدەرىن ەكسپورتتادى.